سندھ حکومت نے کراچی میں ڈینگی اور ملیریا کی وبا پھیلنے کے پیش نظر نجی اسپتال میں ٹیسٹ فیس میں کمی کا اعلان کیا ہے، جو کہ 21 اکتوبر سے31  دسمبر 2025  تک جاری رہے گی۔

سندھ ہیلتھ کیئر کمیشن نے ایس ایچ سی سی ایکٹ 2013 میں حاصل اختیارات کے تحت مندرجہ ذیل ٹیسٹ کی قیمتوں میں کمی کر کے ان کی بالائی حد مقرر کردی ہے۔

آئی سی ٹی ملیریا کے ٹیسٹ کی قیمت 3050 روپے ہے جسے کم کر کے 600 روپے کردی گئی ہے، اسی طرح ڈینگی این ایس 1g(ICT/ELISA) کی قیمت 4550 روپے ہے جسے کم کر کے 1100 روپے کردی گئی ہے۔

ڈینگی 1 gM/Combo  ٹیسٹ کی اصل قیمت 4150 روپے ہے جو اب کم کر کے 1500 روپے کر دی گئی ہے، اسی طرح with Smear  CBC  بشمول ڈینگی کیسز میں فالو اپ سی بی سی ٹیسٹ کی قیمت 1250 روپے سےکم ہوکر 500 روپے ہوگئی ہے۔

صو بائی حکومت کے مطابق جو لیبارٹریز پہلے سے ہی کم یا اس کے برابر قیمت پر ٹیسٹ کر رہی ہے وہ اسی قیمتوں کو جاری رکھیں۔

نامعقول اینٹی بایوٹکس کے نسخے سے بچنے کے لیے ڈاکٹر حضرات سے گزارش ہے کہ Antimicrobials تجویز کرنے سے قبل ڈینگی یا ملیریا کی تشخیص کر لیں۔

یہ بھی پڑھیں: کراچی، بارش کے بعد ملیریا، ڈینگی اور چکن گونیا پھیلنے کے خدشات پر انتظامیہ کا ردعمل

مندرجہ ذیل لیبارٹریز نے عوام الناس کے وسیع مفاد میں اوپر دی گئی قیمتوں پر ٹیسٹ کرنے پر رضا مندی کا اظہار کیا ہے، عوام کو اطلاع دی جاتی ہے کہ 21 اکتوبر سے31  دسمبر 2025  تک نیچے دی گئی لیبارٹریز سے کم قیمتوں پر بہتر اور معیاری ٹیسٹ کراسکتے ہیں۔

آغا خان یونیورسٹی اسپتال

ڈاکٹرعیسیٰ لیبارٹری اینڈ ڈائگنوسٹک سینٹرز

راحیلہ ریسرچ اینڈ ریفرنس لیبارٹری

حسینی بلڈ بینک اینڈ لیبارٹری

جے ایس ایم یو ڈائگنوسٹک لیبارٹری

ٹبا ہارٹ انسیٹیوٹ

سندھ لیب ڈائگنوسٹکس (صرف کراچی)

ایڈوانس لیب

سٹی لیب