اگر افغانستان سے دراندازی نہ بند ہوئی تو مزید بگاڑ پیدا ہو گا ۔ خواجہ آصف نے کہا ہے کہ  افغانستان نے 1947 سے پاکستان کے بجائے بھارت کے زیادہ قریب رہا۔

وزیردفاع  نے  دعا کی کہ اللہ نہ کرے افغانستان کے ساتھ اتنا بگاڑ پیدا ہو کہ تلخی اور کشیدگی میں مزید اضافہ ہو ۔

ان کاکہناتھاکہ ہماری زمین کی حرمت کا پاس کریں اورہم انکی حرمت کاخیال رکھیں گے،یہ دو طرفہ ٹریک ہے یکطرفہ نہیں۔

یہ بات انہوں نے ایک نجی ٹی وی کو خصوصی انٹرویو میں کہی ۔  خواجہ آصف کا کہنا تھا کہ ہم صرف اتنا چاہتے ہیں کہ  ہمسایہ اپنے فرائض پورے کریں۔

انہوں نے کہا کہ ہم مسلسل اس چیز کو اٹھا رہے ہیں کہ افغان سر زمین سے پاکستان میں دہشت گردی کی جا رہی ہے۔

ان کا کہنا تھا کہ ہم روزانہ جنازے اٹھائیں روازنہ شہادتیں ہوں  اوروہ اس پرکوئی ایکشن نہ لیں تویہ ہمسائیوں والی بات نہیں۔

ان کاکہنا تھاکہ ہر ریاست اپنے تعلقات رکھتی ہے ہمیں اس پر اعتراض نہیں۔ وزیر دفاع نے کہاکہ افغانستان اور بھارت  ماضی میں بھی اور اب بھی ان کے تعلقات میں گرم جوشی نظر آتی ہے۔

نئے وزیراعلیٰ کے پی کا ماضی ریاست مخالف ہے دیکھتے ہیں اب ان کارویہ کیاہوگا؟ وزیردفاع

خواجہ آصف نے کہاکہ نئے وزیر اعلیٰ کا جو ماضی ہے  وہ ریاست کے مخالف ہے۔ ان کا کہناتھاکہ  دیکھتے ہیں جب وہ وزیر اعلیٰ بنتے ہیں تو انکا کیا روایہ ہوتا ہے ۔

انہوں نے کہاکہ حماس اور اسرائیل کے درمیان معاہدہ ہوا ہے ۔ ان کاکہناتھاکہ اطمینان کی بات یہ ہے کہ معاہدہ ڈائریکٹ حماس کے ساتھ ہوا ہے۔

وزیر دفاع نے غزہ کے مسلمانوں کوان کی ہمت پر سلام تحسین پیش کیا۔انہوں نے کہاکہ فلسطینیوں نے اعلیٰ مقام بنالیا ہے انسانی تاریخ میں ظلم وبربریت کیخلاف ان کی جہدوجہدیاد رکھی جائےگی۔