دورہ چین  میں جس شہرگیا بے پناہ محبت ملی ۔ صدرمملکت آصف زرداری نے کہاہے کہ  چین کےعوام کی محبت مجھے بار بار یہاں لے  کر آتی  ہے۔

آصف زرداری نے کہاکہ  انسان کے دل کو فتح کرنے کیلئے محبت سے بڑھ کر کوئی چیز نہیں۔ ان کاکہناتھاکہ 16 سے  17بارچین کادورہ کرچکا،یہی اپنائیت ہربارملتی ہے۔

صدرمملکت نے کہاکہ  چین اب بدل چکا،14سال پہلےجب یہاں آیا تھا تو بالکل مختلف تھا۔ آصف زرداری نے کہاکہ چینی معیشت مضبوط ہوئی،عوام زیادہ خوشحال،مطمئن اورخوش ہیں۔

یہ بات انہوں نے چینی میڈیاکو انٹرویو میں کہی۔  صدرمملکت کا کہنا تھاکہ  چین کےمیرے دورے ہمیشہ خیرسگالی کیلئے ہوتے ہیں۔

آصف زرداری نے کہاکہ  چین کا مستقبل تابناک ہے، پورامشرق اس کے ساتھ ملکرکام کرے گا۔ انہوں نے کہاکہ  سب کوایک دوسرے کی خودمختاری کااحترام کرنا ہوگا۔

ہرطرح کے حالات میں چین کے ساتھ کھڑے ہیں

ان کا کہناتھاکہ ہم ہرطرح کے حالات میں چین کے ساتھ کھڑے ہیں۔ صدرمملکت کا کہناتھاکہ جنگوں کا نہیں معاشی ترقی کا سوچنا ہو گا ، پرامن بقائے باہمی پریقین رکھتے ہیں۔

ان کاکہناتھاکہ ترقی کاحق سب کاہے،چین کےساتھ ہماراتعاون اب خلاتک پہنچ چکا۔ صدرمملکت نے کہاکہ  زرعی شعبےمیں خودکفیل ہونا ہے تاکہ اپنے مستقبل کومحفوظ بنا سکیں۔

آصف زرداری نے کہاکہ پاکستان نے ہمیشہ چین کےمؤقف کی حمایت اورتائید کی ہے،ہرفورم پرچین کےمؤقف کی حمایت کی۔

ان کاکہناتھاکہ چین نےٹیکنالوجی میں جدت،محنت کےبل بوتے پردنیامیں مقام بنایا۔ انہوں نے کہاکہ  پاکستان اور چین عملی طوپرایک دوسرے کےشراکت دارہیں۔

سی پیک کی کامیابی سے پوراخطہ ترقی کرے گا

صدرزرداری نے کہاکہ سی پیک کی کامیابی سے پوراخطہ ترقی کرے گا، روابط مضبوط ہوں گے۔انہوں نے کہاکہ  بندرگاہوں کی ترقی سےنوجوانوں کوروزگار ملے گا۔

ان کاکہناتھاکہ معاشی ترقی ہی قوموں کوجوڑتی ہے،توانائی کے شعبے میں چین کےتجربات سےاستفادہ کررہے ہیں۔

صدرمملکت نے کہاکہ چین کے پاس شمسی اورہواسےبجلی پیداکرنےکا وسیع تجربہ ہے۔