وزیرِاعظم پاکستان محمد شہباز شریف نے غزہ امن سربراہی اجلاس میں شرکت کے بعد وطن واپسی کے موقع پر ایک اہم پیغام جاری کیا ہے، جس میں انہوں نے مشرق وسطیٰ میں قیامِ امن کے لیے امریکی صدر ڈونلڈ ٹرمپ کے کردار کو منفرد قرار دیتے ہوئے ان کا شکریہ ادا کیا ہے۔

وزیراعظم محمد شہباز شریف نے سماجی رابطے کی ویب سائٹ ایکس (سابقہ ٹویٹر) پر پیغام دیتے ہوئےکہا کہ ہم امن کے لیے صدر ٹرمپ کے منفرد کردار کی  تعریف کا اظہار کرتے رہیں گے، ہمارا شکریہ اس بات کی بنا پر ہے کہ وہ غزہ میں ظلم کو روکیں گے، اور اس وعدے کو پورا کریں گے۔

انہوں نے کہا کہ اب جب میں شرم الشیخ میں غزہ امن سربراہی اجلاس میں شرکت کے بعد وطن واپسی کے لیے ہوائی جہاز پر سوار ہو رہا ہوں، میں ممکنہ طور پر اس بڑی تبدیلی کی نوعیت کے بارے میں اپنے کچھ تاثرات بتانا چاہتا ہوں کہ یہ کیسے ممکن ہوا اور پاکستان کا کیوں اس سے بہت گہرا تعلق رہا ہے۔

یہ بھی پڑھیں: غزہ امن معاہدے پر وزیراعظم شہباز شریف اور ’اپنے پسندیدہ‘ فیلڈ مارشل عاصم منیر کا شکریہ ادا کرتا ہوں، ڈونلڈ ٹرمپ

 وزیرِ اعظم نے اپنے پیغام میں یہ بھی کہا کہ پاکستان کی سب سے اہم ترجیح غزہ پر مسلط کی گئی نسل کشی کی مہم کو فوری طور پر روکنا تھا، دیگر برادر اقوام کے ساتھ مل کر اس ترجیح کو تسلسل کے ساتھ بیان کیا گیا اور تقویت دی گئی۔

وزیرِ اعظم نے فلسطینی عوام کی آزادی، وقار اور خوشحالی کو پاکستان کے لیے “بنیادی اہمیت” کا حامل قرار دیا اور کہا کہ، انشاءاللہ، 1967 سے پہلے کی سرحدوں کے ساتھ اور القدس الشریف کو دارالحکومت بنانے والی ایک مضبوط اور قابل عمل فلسطینی ریاست کا قیام، پاکستان کی مشرق وسطیٰ کی پالیسی کی بنیاد ہے اور ہمیشہ رہے گی۔