پیپلزپارٹی آزاد کشمیر میں اپنا وزیر اعظم لائے گی ، بڑی بیٹھک میں حتمی فیصلہ کر لیا گیا ۔  آزادکشمیرقانون سازاسمبلی میں تحریک عدم اعتمادلانے پراتفاق ہوا۔ صدر مملکت آصف زرداری کی صدارت میں ہونے والے اجلاس میں حتمی فیصلہ کرلیاگیا۔

قبل ازیں بلاول بھٹو کی  زیرصدارت پیپلز پارٹی آزاد کشمیرکی پارلیمانی پارٹی کااجلاس  ہوا تھا ۔ ذرائع  کے مطابق  تحریک عدم لانے سے متعلق حتمی فیصلہ صدرزرداری کی زیرصدارت اجلاس میں کرنے کا فیصلہ کیا گیاتھا ۔

پیپلزپارٹی تحریک عدم اعتماد سے قبل آزاد کشمیرمیں موجود سیاسی  جماعتوں سے رابطے کرے گی۔ پی پی  نے تحریک عدم اعتماد سے متعلق نمبر گیم  پورے ہونے کا دعویٰ کیاہے ۔

بڑی بیٹھک

بعدا ازاں صدر آصف زرداری کی زیر صدارت ایوان صدر بری بیٹھک ہوئی ۔ جس میں فیصلہ کیاگیا کہ پیپلزپارٹی آزاد کشمیر میں اپنا وزیر اعظم لائے گی۔

شریک چیئرمین آصف علی زرداری نے آزاد کشمیر میں حکومت بنانے کی منظوری دے دی ۔  پیپلز پارٹی کا آزاد کشمیر میں حکومت بنانے سے متعلق آج دوسرا اجلاس تھا۔

وزیراعظم کے امیدوار کے نام کا اعلان بلاول بھٹو کریں گے

چوہدری لطیف اکبر اور چوہدری یاسین کے ناموں پر غور

وزیر اعظم آزاد کشمیر کے لئے دونام سامنے آ گئے ۔ ذرائع کے مطابق چوہدری لطیف اکبر اور چوہدری یسین کے ناموں  پر غورکیا جارہاہے ۔

دونوں میں سے ایک نام کا اعلان بلاول بھٹو پیر کو کریں گے۔  وزیر اعظم آزاد کشمیر مستعفی نہ ہوئے تو تحریک عدم اعتماد کے لئے نمبر پورے ہیں۔

بڑی بیٹھک میں کون کون شامل تھا؟

اجلاس میں بلاول بھٹو زرداری، فریال تالپور، قمر زمان کائرہ، راجہ پرویز اشرف، اسپیکر آزادکشمیر قانون ساز اسمبلی چوہدری لطیف  اکبر، سابق وزیراعظم آزادکشمیر سردار تنویر الیاس،رکن آزادکشمیر قانون ساز اسمبلی چوہدری قاسم مجید اور پی پی پارلیمانی پارٹی آزاد کشمیر کے اراکین شریک تھے۔

اسلام آباد: پاکستان پیپلزپارٹی کے چیئرمین بلاول بھٹو زرداری کی سربراہی میں پی پی پی آزاد جموں و کشمیر پارلیمانی گروپ کا اجلاس۔@BBhuttoZardari pic.twitter.com/Oxwh5PCmvE

— PPP (@MediaCellPPP) October 25, 2025