عالمی ادارہ صحت کا اجلاس؛ وفاقی وزیرِ سید مصطفیٰ کمال مصر پہنچ گئے

ویب ڈیسک

15th Oct, 2025. 04:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عالمی ادارہ صحت کا اجلاس؛ وفاقی وزیرِ سید مصطفیٰ کمال مصر پہنچ گئے

وفاقی وزیرِ صحت جناب سید مصطفیٰ کمال عالمی ادارۂ صحت (WHO) کی 72ویں ریجنل کمیٹی برائے مشرقی بحیرۂ روم کی میٹنگ میں شرکت کے لیے آج قاہرہ، مصر پہنچ گئے۔ ان کے ہمراہ اعلیٰ سطحی پاکستانی وفد بھی موجود ہے۔

یہ اہم اجلاس مشرقی بحیرۂ روم خطے کے ممالک کے مابین صحت عامہ سے متعلق پالیسیوں، تعاون اور درپیش چیلنجز پر غور و خوض کے لیے منعقد کیا جا رہا ہے۔

یہ بھی پڑھیں: عالمی ادارہ صحت کا پاکستان پر سفری پابندیاں برقرار رکھنے کا فیصلہ

اجلاس میں رکن ممالک کی جانب سے صحت سے متعلق اقدامات، اصلاحات اور بین الاقوامی تعاون کو فروغ دینے پر توجہ مرکوز کی جائے گی۔

دورے کے دوران وفاقی وزیرِ صحت سید مصطفیٰ کمال آج سعودی عرب کے وزیرِ صحت سے ایک اہم ملاقات بھی کریں گے، جس میں دو طرفہ تعاون، صحت کے جاری و مجوزہ منصوبوں اور علاقائی سطح پر مربوط اقدامات پر تبادلۂ خیال کیا جائے گا۔

پاکستان عالمی ادارۂ صحت کے ساتھ مل کر صحت عامہ کے شعبے میں بین الاقوامی سطح پر تعاون کو فروغ دینے کے لیے پُرعزم ہے، اور اس اجلاس میں شرکت اس عزم کی عکاسی کرتی ہے۔