افغانستان کی جانب سے گزشتہ شب پاکستان کی سرحدی علاقوں میں موجود کچھ چوکیوں پر معمولی سطح کی مربوط کارروائی کی گئی، تاہم پاک فوج نے بھرپور اور متناسب جوابی کارروائی کرتے ہوئے، تمام دہشتگردوں کے تھکانوں کو نشانہ بنایا اور کثیر جہتی عسکری قوت کا استعمال کیا۔

یہ جارحیت بھارت کی پشت پناہی میں ٹی ٹی پی دہشت گردوں کی مدد سے ایک بڑے منصوبے کا حصہ ہے۔ افسوس کہ افغانستان دہشت گردی کا گڑھ بن چکا ہے، جو خطے میں صرف تشدد اور عدم استحکام پھیلا رہا ہے۔

تاہم پاکستانی افواج نے اس جارحیت کا منہ توڑ جواب دیا، اور پاکستان کی توپوں نے افغانستان کی متعدد چوکیوں کو تباہ کر دیا گیا۔

یہ حملہ بھارت کے ایما پر کیا گیا، جس کا مقصد ٹی ٹی پی کی دراندازی کو آسان بنانا اور ملک کے سرحدی علاقوں کو غیر مستحکم کرنا ہے۔

یہ بھی پڑھیں: پاک افغان سرحد پر کشیدگی؛ پاکستان کی جوابی کارروائی میں متعدد افغان پوسٹیں تباہ، 19 پر قبضہ

کابل کی کٹھ پتلی حکومت صرف بھارت کے مکروہ ایجنڈے کو آگے بڑھا رہی ہے، جو پاکستان کے خلاف ٹی ٹی پی دہشت گردوں کو پناہ اور مدد فراہم کر رہے ہیں۔ افغانستان نے ایک بار پھر اپنا اصل چہرہ دکھا دیا ہے، جبکہ ہماری افواج بھرپور جواب دے رہی ہیں۔

واضح رہے کہ افغان وزارت خارجہ نے جنگ بندی کا اعلان کیا ہے جسے پاکستان نے تسلیم کرنے سے انکار کر دیا ہے۔

اس جارحیت کا پاکستان نے فیصلہ کن انداز میں ردعمل دیا ہے۔ حملے کا جواب بھرپورطاقت سے دیا گیا۔ ہماری سرحدیں، ہمارا فخر ہیں، جو مکمل طور پر محفوظ ہیں۔

سعودی عرب، قطر سمیت کئی دوست ممالک نے پاکستان افغانستان سرحد پر جھڑپوں پر تشویش کا اظہار کیا ہے، تحمل، بات چیت، اور کشیدگی سے گریز کرنے کی اپیل کی ہے؛ اور پاکستانی و افغان عوام کے لیے امن، سلامتی اور استحکام کے فروغ کی علاقائی و عالمی کوششوں کی حمایت کا اعادہ کیا ہے۔