گزشتہ شب گارڈن میں ڈمپر کی ٹکر سےموٹر سائیکل سوار کے جاںبحق ہونے کے بعد مشتعل عوام پر ڈمپر ایسویس ایشن کے مسلح گارڈز نے ہوائی فائرنگ کی، واقعہ کے بعد دومقدمات درج کر لیے گئے۔

پولیس حکام کا کہنا ہے کہ واقعہ کے دو مقدمات گارڈن پولیس اسٹیشن میں درج کرلیے گئےہیں، پہلامقدمہ متوفی شاہ زیب کےوالدمحمدشاہدکی مدعیت میں ڈمپرڈرائیورکے خلاف درج کیاگیا، جبکہ دوسرا مقدمہ شہری عبدالقادر کی جانب سے ڈمپر ایسوسی ایشن کےصدرلیاقت محسودکےخلاف مقدمہ درج کرایاگیا ہے۔

یہ بھی پڑھیں: کراچی میں ڈمپرز اور ہیوی ٹریفک کی نقل و حرکت پر دو ماہ کی پابندی عائد

پولیس حکام  کے مطابق ڈمپرایسوسی ایشن کےصدرکےمسلح گارڈ نےجائے وقوعہ پر فائرنگ بھی کی، مقدمےمیں فائرنگ خوف و حراس پھیلانےکی دفعات شامل کی گئی ہیں۔

مدعی کی جانب سے مقدمہ کے متن کہا گیا کہ میں معززین علاقہ کےساتھ جائےحادثہ پرموجود تھا، ڈمپرایسوسی ایشن کاصدرلیاقت محسوداپنےگن مینوں اورساتھیوں کےساتھ وہاں پہنچا، انہوں نے شدید ہوائی فائرنگ کی اورفرارہوگئے۔

پولیس حکام کا کہنا ہے کہ ڈمپرکی ٹکر سے دونوں موٹر سائیکل سوار میاں بیوی تھے، حادثے میں شوہر جاںبحق اوربیوی زخمی ہوئی، حادثےمیں جاںبحق شاہ زیب کی تین ماہ قبل شادی ہوئی تھی