وزیرخزانہ محمداورنگزیب نے کہا کہ آبادی اور کلائمیٹ چینج پاکستان کی بقا کامسئلہ ہے۔

وزیرخزانہ محمداورنگزیب نے پائیدار ترقی سےمتعلق کانفرنس سےخطاب کرتے ہوئے کہا کہ پاکستان کرپٹو کونسل قائم کی جاچکی ہے، کرپٹو کونسل کو کاروباری نکتہ نظر سے آگے بڑھانا چاہتے ہیں، ورچوئل ایسٹس ریگولیٹری کےلیےجلدقانون سازی ہوگی۔

وفاقی وزیرخزانہ نے کہا کہ آبادی اور کلائمیٹ چینج پاکستان کی بقا کامسئلہ ہے، آئی ایم ایف سےکلائمیٹ فنانسنگ کا 1.3 ارب ڈالر کا معاہدہ ہوچکا ہے، پاکستان کےلیے اے ڈی بی نے 50 کروڑ ڈالر کااعلان کیاہے۔

ان کا کہنا تھا کہ عالمی بینک سے 10 سال کاکنٹری پارٹنرشپ فریم ورک طے پایا ہے، جس کے تحت پاکستان کو ہر سال 2 ارب ڈالرحاصل ہوں گے، موسمیاتی تبدیلیوں سےعالمی معیشت متاثر ہورہی ہے۔

محمداورنگزیب نے کہا کہ پاکستان میں پرائیویٹ سیکٹر کا کرداربڑھنا خوش آئند ہے، سیاسی وسلامتی کی بگڑتی صورتحال خطےکے چیلنجز بڑھا رہی ہے، پائیدارترقی کےحصول کےلیے مل کر اقدامات کرناہوں گے۔

یہ بھی پڑھیں: تجارت اور معیشت کے استحکام کے لیے دوست ممالک کا تعاون حاصل ہے، وفاقی وزیر خزانہ

انہوں نے اس بات پر زور دیتے ہوئے کہا کہ موسمیاتی تبدیلی سےمتاثرہ ملکوں کےلیےکلائمیٹ فنانس ناگزیرہے، پاکستان نے مختلف شعبوں میں جامع اصلاحات کی ہیں، گلوبل جی ڈی پی گروتھ میں اضافہ ہورہاہے۔

وزیرخزانہ نے مزید کہا کہ نجی شعبےکا معیشت میں اہم کردارہے، عالمی سطح پرغیریقینی اورسیاسی کشیدگی میں اضافہ ہوا۔