اسلام آباد: دو روز قبل ہونے والے خودکش دھماکے کے بعد فیڈرل جوڈیشل کمپلیکس کو آج دوبارہ کھول دیا گیا ہے، جہاں وکلاء اور سائلین کی بڑی تعداد کچہری پہنچ گئی۔
ذرائع کے مطابق ضلعی انتظامیہ کی جانب سے سیکیورٹی کے سخت انتظامات کیے گئے ہیں۔ وکلاء کے کلرکس کو آفیشل کارڈ دکھانے جبکہ سائلین کو مکمل تلاشی اور تفصیلات درج کروانے کے بعد داخلے کی اجازت دی جارہی ہے۔
ذرائع نے بتایا ہے کہ خودکش دھماکے کی تحقیقات جاری ہیں جبکہ سیکیورٹی اداروں نے کچہری سے تمام شواہد اکٹھے کرلیے ہیں۔
دوسری جانب بار ایسوسی ایشن کی جانب سے دھماکے کے خلاف آج اور کل ہڑتال اور عدالتی کارروائی کے بائیکاٹ کا اعلان کیا گیا ہے۔
واضح رہے کہ دو روز قبل اسلام آباد کے علاقے جی الیون میں کچہری کے باہر پولیس کی گاڑی پر ہونے والے خودکش حملے میں 12 افراد شہید اور 38 زخمی ہوئے تھے جبکہ جائے وقوعہ سے حملہ آور کا سر بھی برآمد کیا گیا تھا۔
Advertisement
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
