پاک فوج کی جانب سے باجوڑ کی سب سے بڑی جامع مسجد کی تعمیر نو اور تزئین مکمل

سلمان علی اعوان

10th Nov, 2025. 11:04 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک فوج کی جانب سے باجوڑ کی سب سے بڑی جامع مسجد کی تعمیر نو اور تزئین مکمل

پاک فوج کی جانب سے ضلع باجوڑ (سلیمان خیل) کی سب سے بڑی جامع مسجد کی تعمیر نو اور تزئین مکمل کرلی گئی ہے۔

ذرائع کے مطابق باجوڑ میں سلیمان خیل کی سب سے بڑی جامع مسجد کو دہشتگردوں نے شہید کردیا تھا، فرنٹیئر کور خیبرپختونخوا نے مسجد کی مرمت و تزئین مکمل کر لی۔

ذرائع نے بتایا کہ مسجد کے اندر قالین، ایئر کنڈیشنرز، پنکھے اور سولر سسٹم سمیت تمام آلات دوبارہ نصب کی گئیں، مسجد کی بحالی کے بعد تمام تر ضروری سہولیات فعال کر دی گئیںْ

پاک فوج کی جانب سے مسجد کی تعمیر و تزئین مکمل کرنے پر مقامی شہریوں نے بھرپور اظہارِ تشکر کیا اور کہا کہ یہ مسجد (باجوڑ) سلیمان خیل کی ایک تاریخی مسجد ہے جو فتنہ الخوارج کے حملہ سے متاثر ہوئی تھی۔

مقامی شہریوں کا کہنا تھا کہ دہشت گردوں کے حملے میں مسجد کا سولر سسٹم، دروازے اور کھڑکیاں وغیرہ تباہ ہوگئی تھیں جبکہ عمارت کو شدید نقصان ہوا تھا، پاک فوج نے مسجد کی تزئین و آرائش مکمل کی جس کی وجہ سے اب عمارت پہلے سے بہتر حالت میں ہے، پاک فوج کا تہہ دل سے شکریہ ادا کرتے ہیں۔