آج ہم آپ کو بتائیں گے کہ ستاروں کے حوالے سے نیا سال آپ کے لیے کیسا رہے گا۔

ہر نئے سال کے ساتھ لوگوں کو نئی امیدیں ہوتی ہیں کہ یہ سال پچھلے سال کی بنسبت اچھا رہے گا اور لوگ خواہش مند ہوتے ہیں کہ یہ سال ان کے لیے سلامتی اور خوشیوں کا باعث بنے تو آئیے آج ہم آپ کو ماہر علم نجوم کے مطابق بتاتے ہیں کہ یہ سال کون سے ستارے کے لیے کیسا ثابت ہوگا۔

برج حمل: (مارچ 21 تا اپریل 19)

برج حمل میں والے افراد کو مالی مسائل کا سامنا کرنا پڑ سکتا ہے، آپ اپنی زندگی میں بہتری کی ہر ممکن کوشش کریں گے لیکن خود کو ناکام محسوس کریں گے اور یہی وقت مئی تک برقرار رہ سکتا ہے۔

مئی کے بعد آپ کے اچھے دن شروع ہوں گے اور جو کرنا چاہیں گے اس میں بھی کامیابی ملے گی۔

برج ثور: (20 اپریل تا 20 مئی)

برج ثور والے لوگوں کے لیے یہ سال خوش قسمتی کا سال ہوسکتا ہے جبکہ اس سال آپ کی زندگی میں مثبت تبدیلیاں آنے کے واضح امکانات ہیں لیکن اُپ کو اپنے مقصد میں کامیابی کے لیے مسلسل محنت جاری رکھنی ہوگی۔

برج جوزا: (21 مئی تا 20 جون)

سال کے آغاز میں تھوڑا محتاط رہنے کی ضرورت ہے کیونکہ آپ کو اپنے کام میں غلطیوں کا سامنا کرنا پڑسکتا ہے لہذا آپ کو دھیان سے کام کرنے کی ضرورت ہے۔

یہ سال آپ کے اہلخانہ کے لیے خوش قسمت ثابت ہوگا کیونکہ یہ سال آپ کو اپنے اہلخانہ کے زیادہ قریب کرے گا جبکہ رواں سال موسم گرما آپ کی ذاتی زندگی کے لیے بہترین ثابت ہوسکتا ہے۔

برج سرطان: (21 جون تا 22 جولائی)

برج سرطان والے لوگوں کو سب سے زیادہ اپنا خیال رکھنے کی ضرورت ہے، دوسروں کو خود پر فوقیت نہ دیں جبکہ آپ کے جذبات ہی آپ کے لیے طاقت کا سبب ہیں۔

یہ سال آپ کے لیے زیادہ پریشانیاں پیدا نہیں کرے گا اور اگر آپ نے سمجھداری کا مظاہرہ کیا تو آپ کے مالی حالات بھی کافی بہتر ہونے کی امید ہے۔

برج اسد: (23 جولاتی تا 22 اگست)

اس ستارے کے حامل افراد کے لیے یہ سال بہترین ثابت ہوگا، ان کی سالوں کی خواہش اس سال پوری ہونے کی توقع ہے جبکہ یہ سال ان کی زندگی میں بہت سے نئے مواقع اور ترقیوں کا باعث ہوسکتا ہے۔

برج سنبلہ: (23 اگست تا 22 ستمبر)

برج سنبلہ والے لوگوں کو اس سال اپنے جذبات کا خیال رکھنے اور خود پر دھیان دینے کی ضرورت ہے کیونکہ یہ لوگ ہمیشہ دوسروں کے درد کا مرہم بنتے ہیں جبکہ انہیں اس سال کسی قسم کا اچھا سرپرائز ملنے کی توقع ہے۔

برج میزان: (23 ستمبر تا 22 اکتوبر)

اس سال آپ کو اس بات کا تعین کرنا ہوگا کہ آپ کو زندگی میں کیا حاصل کرنا ہے کیونکہ یہ سال آپ کے لیے ایک خوش قسمت سال ہوگا جبکہ اس سال رشتہ دواج میں منسلک جوڑوں کے تعلقات میں بہتری آئے گی اور غیر شادی شدہ افراد کے لیے رشتے آنے کا امکان ہے۔

برج عقرب: (23 اکتوبر تا 21 نومبر)

رواں سال اگر آپ چاہتے ہیں کہ ہر کام آپ کی خواہش کے مطابق ہو تو آپ کو بلاوجہ کسی بحث یا لڑائی کا حصہ نہ بننے کی ضرورت ہے۔

برج عقرب کے حامل افراد ضرروت سے زیادہ شدت پسندی کے حامل ہوتے ہیں جو آپ کو ہمیشہ فائدہ بھی پہنچاتی ہے لیکن اکثر اوقات نقصان کا باعث بھی بن سکتی ہے۔

برج قوس: (22 نومبر سے 21 دسمبر)

آپ کے لیے یہ سال اچھا ثابت ہوسکتا ہے لیکن سال کے درمیان میں کچھ پریشانیوں کا سامنا کرنا پڑسکتا ہے لیکن ان سے بھی جلد چھٹکار حاصل ہوجائے گا۔

برج جدی: (22 دسمبر تا 19 جنوری)

ضروری نہیں کہ آپ کے فیصلہ ہمیشہ درست ثابت ہوں، اس لیے اس سال محتاط رہنے کی ضرروت ہے۔ اگر آپ سنبھل کر قدم اٹھاتے ہیں تو یہ سال آپ کے لیے خوش قسمت ثابت ہوسکتا ہے۔

برج دلو: (20 جنوری تا 18 فروری)

چونکہ آپ لوگ باغی طبیعت کے مالک ہوتے ہیں اور ناانصافی کے خلاف لڑنا خوب جانتے ہیں لہذا اس سال آپ کو ضرورت ہے کہ اپنے بارے میں زیادہ سے زیادہ سوچیں بجائے اس کے کہ دوسروں کی فکر آپ کو ستاتی رہے۔

اس سال آپ کو اپنی ذاتی زندگی پر نظر ثانی کی ضرورت ہوگی جبکہ یہ سال آپ کے لیے محبت اور مالی لحاظ سے بھی اچھا ثابت ہوسکتا ہے۔

برج حوت: (19 فروری تا 20 مارچ)

اس برج کے حامل افراد ذرا جذباتی قسم کے ہوتے ہیں جبکہ یہی انداز آپ کو مشکل میں بھی ڈال سکتا ہے لیکن امسال امید ہے کہ آپ اپنی پریشانیوں پر قابو پالیں گے اور مشکلات کے حل کے لیے خوش کرشش کریں گے۔