امریکی خلائی تحقیقاتی ادارے ناسا نے  یو ایف او کے حوالے سے  نئی رپورٹ جاری کردی۔

تفصیلات کے مطابق ناسا کی رپورٹ میں کہا گیا کہ سیکڑوں یو ایف او دیکھنے کے واقعات کے پیچھے خلائی مخلوق کے ہونے کا کوئی ثبوت نہیں ملا مگر اس امکان کو رد نہیں کیا جا سکتا۔

رپورٹ میں کہا گیا کہ یہ نہیں کہا جاسکتا کہ ان واقعات کے پیچھے ماورائے زمینی ذرائع کا ہاتھ ہے۔ ممکن ہے ماورائے زمینی مخلوق نے یہاں تک پہنچنے کے لیے سفر کیا ہوگا۔

تاہم  رپورٹ میں یہ نتیجہ اخذ نہیں کیا گیا کہ ماورائے زمینی زندگی موجود ہے۔

ناسا نےزمین کے ماحول میں ممکنہ نامعلوم اجنبی ٹیکنالوجی کے کام کرنے کے امکان کو رد نہیں کیا۔

رپورٹ میں مزید کہا گیا کہ نامعلوم اڑنے والی اشیاء کے بارے میں منفی تاثر ڈیٹا اکٹھا کرنے میں رکاوٹ ہے۔

ناسا نے یو ایف او کی ریسرچ کے  لیے نئے ڈائریکٹر کو مقرر کردیا تاہم  نئے ڈائریکٹر کی شناخت نہیں بتائی گئی۔

ناسا چیف  کا کہنا ہے کہ ناسا نہ صرف ان واقعات کی ممکنہ تحقیق میں پیش پیش رہے گا بلکہ زیادہ شفافیت کے ساتھ ڈیٹا شیئر کرے گا۔

امریکی حکومت نے 2021 میں ایک رپورٹ جاری کی تھی جس میں فوجی اہلکاروں کی طرف سے نامعلوم اڑنے والی چیز دیکھی گئی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں