لارڈز کے تاریخی میدا ن میں ورلڈ کپ 2019 کا فائنل انگلینڈ نے اپنے نام کرلیا۔ سپر اوور میں نیوزی لینڈ کو شکست دیکر انگلینڈ پہلی بار کرکٹ کا عالمی چیمپئن بن گیا۔

انگلینڈ نے پہلی بار کرکٹ ورلڈ کپ کا ٹائٹل اپنے نام کیا، سپر اوور میں بھی میچ 15،15 رنز سے برابر ہوا تو انگلش ٹیم کو اننگز میں زائد باؤنڈریز پر فائنل کا فاتح قرار دیا گیا۔

ورلڈ کپ کی تاریخ میں پہلی بارفائٹل کا فیصلہ سپر اوور میں ہو ا۔

انگلینڈ اور نیوزی لینڈ کا اسکور 241-241 رنز رہا۔

انگلش بلے باز جیسن رائے  نے 20 بالوں پر 17 رنز بنائے اور  میٹ ہینری کی بال کا شکار بنے۔ جونی بیئر سٹو  نے 36 ، جو روٹ نے 7 جبکہ کپتا ن مورگن  9 رنز بنا کر چلتے بنے۔

جوس بٹلر  نے 59 رنز کی جارحانہ اننگز کھیلی اور فرگوسن کی گیند کا شکار بنے۔جبکہ کرس ووکس  2  اور پلنکٹ 10 رنز بنا کر آوٹ ہوگئے۔جوفرا آرچر بغیر رنز بنائے پویلین واپس لوٹ گئے۔

نیوزی لینڈ کی بیٹنگ  کی بات کی جائے تو گپٹل اور ہنری نکولس نے انگلینڈ کے خلاف اننگز کا آغاز کیا لیکن گپٹل ایک بار پھر ناکام ثابت ہوئے اور 19 رنز بنا کر کرس ووکس کی گیند پر ایل بی ڈبلیو ہو گئے۔

 گپٹل کے آؤٹ ہونے کے بعد نکولس اور راس ٹیلر محتاط انداز میں بیٹنگ کرتے ہوئے اپنی ٹیم کا اسکور آگے بڑھانے کی کوشش کرتے رہے لیکن بڑا سکور کرنے میں ناکام رہے. ہینری نکولس 55،کین ولیمسن 30،مارٹن گپٹل نے 19رنزبنائے، راس ٹیلر 15اورجیمزنیشم 19رنزبناکرآؤٹ ہوئے، ٹام لیتھم 47،گرینڈہوم نے 16رنزکی اننگزکھیلی، انگلینڈ کی جانب سے پلنکٹ اور ووکس نے3،3کھلاڑیوں کو  پویلین کی راہ دکھائی ، ووڈ اور آرچر نے ایک، ایک  وکٹ حاصل کی۔

بین اسٹوکس کو مین آف دی میچ جبکپ کیوی کپتان کین ولیم سن کو پلیئر آف دی ٹورنامنٹ قرار دیا گیا۔