خاتون سے بدتمیزی،افغان فاسٹ بولرآفتاب عالم پر پابندی عائد

سید قاسم رضا

11th Jul, 2019. 03:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خاتون سے بدتمیزی،افغان فاسٹ بولرآفتاب عالم پر پابندی عائد

افغان کرکٹ بورڈ نے رواں ورلڈ کپ کے دوران ضابطہ اخلاق کی خلاف ورزی پر فاسٹ بولر آفتاب عالم پر ایک سال کی پابندی عائد کردی ہے۔

تفصیلات کے مطابق26سالہ آفتاب عالم پر ایک سال کی پابندی افغان کرکٹ بورڈ کی ڈسپلنری کمیٹی کی تحقیقات میں ان پر الزام ثابت ہو نے کے بعد لگائی گئی ہے۔

آفتاب عالم پر ورلڈ کپ کے دوران ساؤتھمپٹن میں ٹیم کے ہوٹل میں ایک خاتون مہمان کے ساتھ سنجیدہ نوعیت کی بدتمیزی کا الزام ہے۔

یاد رہے کہ گزشتہ ماہ 27جون کو انٹرنیشنل کرکٹ کونسل(آئی سی سی) کی جانب سے اعلان کیا گیا تھا کہ غیرمعمولی حالات کے سبب آفتاب عالم کو افغانستان کے ورلڈ کپ اسکواڈ سے دستبردار کرا لیا گیا ہے اور انہیں وطن واپس بھیج دیا گیا تھا۔

اس کے بعد آفتاب عالم کے خلاف افغانستان کرکٹ بورڈ نے ڈسپلنری انکوائری کی تھی اور اس کی روشنی میں گزشتہ ہفتے کابل میں ہونے والے سالانہ اجلاس میں ان پر پابندی لگانے کا فیصلہ کیا گیا۔

فاسٹ باؤلر ایک سال تک ڈومیسٹک اور انٹرنیشنل کرکٹ نہیں کھیل سکیں گے اور اس عرصے کے لیے وہ اپنے کنٹریکٹ سے بھی محروم ہو گئے ہیں۔