ورلڈ کپ فائنل میں شکست، جمی نیشام کے کوچ کی جان لے گئی

سید قاسم رضا

18th Jul, 2019. 03:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ورلڈ کپ فائنل میں شکست، جمی نیشام کے کوچ کی جان لے گئی

ورلڈ کپ 2019 کے فائنل میں انگلینڈ سے شکست نیوزی لینڈ کے آل راؤنڈر جمی نیشام کے کوچ کی جان لے گئی۔

تفصیلات کے مطابق کیوی آل راؤنڈر جمی نیشام کے اسکول کے کوچ ڈیوڈ گورڈن کرکٹ ورلڈ کپ کے آخری اوور میں زندگی کی بازی ہار گئے۔

سماجی رابطے کی ویب سائٹ ٹوئیٹر پر جاری بیان میں جمی نیشام نے اپنے کوچ کو خراج عقیدت پیش کرتے ہوئے کہا کہ ڈیوڈ گورڈن میرے بچپن کے کوچ اور اچھے دوست تھے، ورلڈکپ کا فائنل سنسنی خیز تھا، جس میں میرے کوچ کی جان چلی گئی۔ میں ان پر ہمیشہ فخر کرتا رہوں گا،مجھے سب کچھ سکھانے کا بہت شکریہ۔

ڈیوڈ گورڈن کی بیٹی لیونی گورڈن نے جمی نیشام کا شکریہ ادا کرتے ہوئے کہا کہ میں اور میری بہن آخر وقت میں اپنے والد کے ساتھ ہی تھے۔سپر اوور میں جب کیوی ٹیم کو 15 رنز درکار تھے اس دوران جمی نیشام نے چھکا لگایا تو ان کے والد نے آخری سانسیں لیں۔ اسپتال کے بستر پر موجود میرے والد ڈیوڈ گورڈن اسی طرح سے دنیا سے رخصت ہونا چاہتے تھے۔