پاکستان ہاکی فیڈریشن کو ڈھائی کروڑ کی پہلی گرانٹ مل گئی

محمد طیب

02nd Aug, 2019. 11:38 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان ہاکی فیڈریشن کو ڈھائی کروڑ کی پہلی گرانٹ مل گئی

انٹرنیشنل ہاکی فیڈریشن کی جانب سے عائد جرمانے کی پہلی قسط جمع کرانے کیلئے سندھ حکومت نے پاکستان ہاکی فیڈریشن کو ڈھائی کروڑ روپے کی گرانٹ جاری کردی۔

سندھ حکومت نےپاکستان ہاکی فیڈریشن کو 10 کروڑ روپے کی گرانٹ کی منظوری دی ہے۔

پاکستان ہاکی فیڈریشن مالی مشکلات سے دوچار ہے، پی ایچ ایف کےاکاؤنٹ میں گزشتہ ماہ صرف تین ہزارروپے تھے۔

ذرائع کے مطابق جرمانہ جمع کرانے کی آخری تاریخ 19اگست ہے، پی ایچ ایف کو جرمانے کی پہلی قسط کی مد میں تقریبا 9 ہزار یوروجمع کروانے ہیں۔

پاکستان ہاکی فیڈریشن کے صدر خالد سجاد کھوکھر اور سیکرٹری آصف باجوہ نے تین ہفتے قبل وزیر اعلی سندھ مراد علی شاہ سے ملاقات کرکے دس کروڑ روپے کی گرانٹ منظور کروائی تھی۔

جس کی چار قسطوں میں ادائیگی کی جائے گی۔ سندھ حکومت ماضی میں بھی ہاکی فیڈریشن کو دس کروڑ روپے کی گرانٹ دے چکی ہے۔