پاکستان کرکٹ ٹیم کے فاسٹ بولر حسن علی کے نکاح کی تیاریاں مکمل ہوگئیں۔

تفصیلات کے مطابق پاکستان کرکٹ ٹیم کے حسن علی نکاح کی تقریب کیلئے عزیزو اقاراب کے ہمراہ دبئی پہنچ گئے ہیں۔

قومی ٹیم کے فاسٹ بولرحسن علی منگل کو بھارتی دوشیزہ سامعیہ آرزو سے نکاح کے بندھن میں بندھ جائیں گے۔

حسن علی کے نکاح کی تقریب دبئی کےسیون اسٹار اٹلاٹنس دی پالم ہوٹل میں منعقد ہوگی جس میں شاداب خان کی شرکت بھی متوقع ہے۔

واضح رہے کہ حسن علی اپنے فیملی کے ہمراہ سیالکوٹ ایئر پورٹ سے دبئی کیلئے روانہ ہو ئے تھے ۔

اس سے قبل قومی کرکٹر حسن علی اپنے نکاح کی تقریب میں مرکز نگاہ  بننے کے لئے حسن علی نے لاہور میں سیلون کا رخ کیا تھا،

قومی کرکٹر حسن علی نے سلون سے فیشل اور کٹنگ کروائی۔ بولنگ میں جرنیٹر سٹائل سے شہرت پانے والے فاسٹ بولر نے نکاح کا نیا ہیئر سٹائل بنوایا اور نکاح کی تقریب کے لیے حسن علی دبئی روانہ ہو گئےتھے۔

حسن علی نے 2اگست کو بھارتی لڑکی سے شادی کی تصدیق کرتے ہوئے اپنی ہونے والی دلہن کا نام سامعہ بتایا تھا۔گوجرانوالہ میں پریس کانفرنس سے خطاب کرتے ہوئے ان کا کہنا تھا کہ 20 اگست کودبئی میں  ان کی سادگی سے شادی ہونے جارہی ہے۔

20 اگست کو دبئی میں شیڈول ہے، نکاح کی اس تقریب میں قریبی رشتہ دار اور دوست احباب شرکت کریں گے۔حسن علی کا کہنا تھا کہ ان کی سادگی سے شادی ہونے جارہی ہے شادی کے بندھن میں بندھ جانے والے حسن علی تین ماہ بعد دلنہیا گھر لائیں گے۔