انٹرنیشنل کرکٹ کونسل (آئی سی سی  )نے نئی ٹیسٹ رینکنگ جاری کردی  ہے   ۔

آئی سی  سی  کی  نئی رینکنگ میں  بلے بازوں  اور بالرز میں  آسٹریلوی   کھلاڑی   سرفہرست  ہیں ۔

 نئی رینکنگ کے  مطابق  بلے بازوں میں آسٹریلیا کے اسٹیون اسمتھ پہلے نمبر پر آگئے جبکہ  بھارت کے ویرات  کوہلی تنزلی  کے  بعد  دوسرے نمبر پر چلے گئے  ،نیوزی لینڈ کے کین ولیمسن کا تیسرا  نمبر ہے       تاہم    ٹاپ ٹین بلے بازوں میں کوئی پاکستانی بیٹسمین  اپنی  جگہ بنانے میں  کامیاب  نہیں  ہوسکا ہے۔

 باؤلنگ ٹیسٹ رینکنگ میں آسٹریلیا کے پیٹ کمنز پہلے نمبر پر موجود ہیں جبکہ   جنوبی افریقہ  کے   کگیسو ربادا  دوسرے  اور   بھارت  کے  جسپرت  بمرہ  کا   تیسرا   نمبر  ہے،      پاکستان کے محمد عباس تنزلی کے بعد 9ویں سے 10ویں نمبر پر آگئے۔

ٹیم رینکنگ میں بھارت کا پہلی پوزیشن پر قبضہ برقرار ہے، نیوزی لینڈ دوسرے، جنوبی افریقہ تیسرے، انگلینڈ  چوتھے، آسٹریلیا پانچویں، سری لنکا چھٹے، پاکستان ساتویں، ویسٹ انڈیز آٹھویں، بنگلہ دیش نویں اور زمبابوے دسویں پوزیشن پر موجود ہے۔

بہترین آل راونڈر    زرینکنگ میں    ویسٹ انڈیز کے   جیسن  ہولڈر    سرفہرست  جبکہ  انگلینڈ کے  بین اسٹوکس دوسرے  اور  بنگلہ دیش کے   شکیب الحسن تیسرے نمبر  پر  موجودہیں ۔  آل راونڈرز  کی دوڑ میں  پاکستان کا کوئی بھی  کھلاڑی ٹاپ 20 میں  بھی جگہ   نہ بنا سکا ۔

پاکستان کے فاسٹ بالر محمد  عامر  آل راؤنڈرز کی فہرست میں 27  ویں نمبر پر موجود ہیں ۔