آئی سی سی کا ہر سال ورلڈ کپ کرانے کا فیصلہ

سیدہ نادرہ مشتاق

15th Oct, 2019. 01:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی سی سی کا ہر سال ورلڈ کپ کرانے کا فیصلہ

انٹرنیشنل کرکٹ کونسل(آئی سی سی )نے ہر سال ورلڈ کپ کرانے کا فیصلہ کر لیا۔

انٹرنیشنل کرکٹ کونسل(آئی سی سی )کے اجلاس میں فیصلہ کیا گیا کہ 2023 سے 2031 تک 8 برس میں 8 مینز اور ویمنز ایونٹ منعقد کرائے جائیں گے۔

اجلاس میں طے کیا گیا کہ انڈر 19 مینز اور ویمنز میں چار چار ٹورنامنٹس کرائے جائیں گے۔تاہم آئی سی سی اجلاس میں ٹی 20 اور ون ڈے ورلڈ کپ کی تعداد کے حوالے سے کوئی ذکر نہیں ہوا ۔

دوسری جانب بھارتی میڈیا کی رپورٹس میں دعویٰ کیا گیا ہےکہ کونسل ہر سال ٹی 20 اور ہر 3 سال بعد ون ڈے ورلڈ کپ منعقد کرنے کا ارادہ رکھتی ہے ۔

یاد رہے کہ آئی سی سی انڈر 19 ایونٹس کی میزبانی کے لیے تمام ممبران سے ان کی دلچسپی معلوم کرے گی۔ انڈر 19 کی میزبانی کے لیےبڈنگ کا عمل2020 کے آغاز میں شروع ہوگا۔

چیئرمین آئی سی سی ششانک منوہر کا کہنا ہے کہ مسلسل ایک ہی کیلنڈر کو دیکھتے ہوئے اس بات کا فیصلہ کیا گیا ہے کہ ہر سال مینز اور ویمنز کے بڑے ایونٹس کا انعقاد کیا جائے۔

انہوں نے کہا کہ اس سے نہ صرف اسٹرکچر بہتر ہوگا جبکہ کھیل کو فروغ بھی ملے گا۔

ششانک منوہر کا مزید کہنا تھا کہ اسی طرح تمام اسٹیک ہولڈرز کے لیے مواقع بھی بڑھیں گے۔