شرجیل خان کی قومی ٹیم میں واپسی کا امکان رد نہیں کیا جاسکتا، شعیب اختر

سیدہ نادرہ مشتاق

30th Oct, 2019. 04:51 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

شرجیل خان کی قومی ٹیم میں واپسی کا امکان رد نہیں کیا جاسکتا، شعیب اختر

راولپنڈی ایکسپریس شعیب اختر نے امید ظاہر کی ہےکہ شرجیل خان کی قومی ٹیم میں واپسی کا امکان رد نہیں کیا جاسکتا ۔

تفصیلات کے مطابق راولپنڈی ایکسپریس شعیب اختر نے اوپنر شرجیل خان کی قومی ٹیم میں واپسی کا امکان ظاہر کرتے ہوئے کہا مجھے یقین ہے کہ پاکستان سپر لیگ کے پانچویں ایڈیشن کے ڈرافٹ میں شرجیل خان کو منتخب کرلیا جائے گا۔

شعیب اختر کا کہنا تھا کہ پاکستان کو شرجیل خان جیسے دھواں دھار بلے باز کی ضرورت ہے ۔ان کی جارحانہ بلے بازی کو دیکھ کر دیگر اوپنرز بھی ان کا طرز عمل اپنانے کی کوشش کریں گے اور یہ چیز پاکستانی ٹیم کا مائنڈ سیٹ بدل سکتی ہے۔

واضح رہے کہ شرجیل خان حال ہی میں پاکستان کرکٹ بورڈ کے اینٹی کرپشن یونٹ کے ایک امتحان میں نظر آئے تھے جہاں انہوں نے تحریری طور پر ٹیسٹ دیا اور اس میں کامیابی حاصل کی جس کے بعد انہیں بہاولپور، شیخوپورہ اور کراچی جا کر صوبائی سطح پر ہونے والے یوتھ ایونٹس میں جونیئر ٹیموں کو لیکچر دینے کو کہا گیا ہے۔