زمبابوے کرکٹ پر عائد پابندی ختم

محمد طیب

15th Oct, 2019. 04:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

زمبابوے کرکٹ پر عائد پابندی ختم

Zimbabwe readmitted as an ICC member after political interference ban

انٹرنیشنل کرکٹ کونسل (آئی سی سی) نے زمبابوے کرکٹ پر عائد پابندی ختم کردی۔

تفصیلات کے مطابق آئی سی سی نے زمبابوے کرکٹ سے پابندی ہٹانے کا فیصلہ کرلیا۔ زمبابوے کے وزیر کھیل اور کرکٹ بورڈ حکام سے ملاقات کے بعد دبئی میں ہونے والی بورڈ میٹنگ میں کیا گیا۔

سربراہ آئی سی سی نے کہا کہ ہم زمبابوے کی وزیر کھیل کے شکر گزار ہیں کہ انہوں نے اپنے ملک میں کرکٹ کی بحالی اور فروغ کیلئے اپنے عزم کا اظہار کیا ہے۔

سربراہ آئی سی سی ششانک منوہر نے کہا کہ زمبابوے کے حکام نے آئی سی سی کی جانب سے تمام شرائط تسلیم کرلی ہیں۔ زمبابوے کرکٹ کو فنڈز کی مشروط بحالی کا سلسلہ بھی جلد شروع ہوجائے گا۔

ششانک منوہر نے مزید کہا کہ پابندی ختم ہونے کے بعد زمبابوے کی ٹیم آئندہ سال جنوری میں ہونے والے انڈر19 ورلڈ کپ میں شرکت کی اہل ہوگئی ہے۔

واضح رہے کہ آئی سی سی نے رواں سال جولائی کے مہینے میں حکومتی مداخلت اور بورڈ کے آزاد و شفاف انتخابات کرانے میں ناکامی پر زمبابوے کرکٹ کو معطل کردیا تھا۔ پابندی کے بعد سے ٹیسٹ اسٹیٹس کا درجہ رکھنے والی زمبابوے کرکٹ ٹیم عالمی سطح پر کسی بھی کرکٹ مقابلے میں شریک نہیں ہوسکی تھی۔