پاکستانی شوٹر گلفام جوزف نے بڑا کارنامہ انجام دیتے ہوئےٹوکیو اولمپک 2020 کے لیےکوالیفائی کرلیا۔

تفصیلات کے مطابق گلفام جوزف پاکستان کی جانب سے اولمپک کوٹا حاصل کرنے والے تیسرے شوٹر بن گئے ہیں۔

پاکستانی کھلاڑی گلفام جوزف نے قطر میں ہونے والی ایشین چیمپئن شپ ایئرپسٹل میں  فائنل مقابلوں میں رسائی حاصل کرکےٹوکیو اولمپک 2020تک رسائی حاصل کر لی۔

سیکریٹری قومی شوٹنگ ایسوسی ایشن رضی احمد خان کا کہنا ہے کہ شوٹنگ میں تین اولمپک کوٹا ملنا خوش آئند ہے۔ پاکستان میں اتنی صلاحیت ہے کہ وہ ٹوکیو اولمپکس 2020میں میڈل جیت سکے۔

 انہوں نے مزید کہا کہ ماضی میں پاکستانی شوٹرز نے اولمپکس میں شرکت تو کی لیکن ان تمام شوٹرزنے وائلڈ کارڈ انٹری کی بدولت اولمپکس تک رسائی حاصل کی تھی جبکہ اولمپک کوٹہ، ورلڈ کپ یا ایشین چیمپئن شپ پوائنٹس لینے کے بعد کھلاڑی کو حاصل ہوتا ہے۔

 رضی احمد نے بتایا کہ وائلڈ کارڈ انٹری انٹرنیشنل اولمپکس کمیٹی دیتی ہے جس کا انحصار کارکردگی پر نہیں ہوتا جبکہ اولمپک کوٹہ  کے لیے کھلاڑی کو انٹرنیشنل سطح پر پرفارم کرنا ہوتا ہے جس کے بعد وہ اولمپکس تک رسائی حاصل کرتا ہے۔

واضح رہے کہ اس سے قبل غلام محمد بشیر اور خلیل اختر پہلے ہی ٹوکیو اولمپک 2020کے لیےکوالیفائی کر چکے ہیں۔