دنیائے فٹ بال کے اسٹار فٹبالرز نے پاکستان آنے کا اعلان کردیا۔

تفصیلات کے مطابق دنیائے فٹ بال کے عظیم فٹبالرز ایک بار پھر پاکستان آنے کے لیےبے قرار ہیں۔ فٹبال کے لیجنڈز لاہور  اور کراچی میں 2 نمائشی میچ میں حصہ لیں گے۔

عظیم کھلاڑیوں نے ویڈیو پیغام کے ذریعے پاکستان آنے کی تصدیق کرتے ہوئے کہا کہ وہ جلد پاکستاآکر کھیلنے کے لیے بے تاب ہیں۔

Get ready for the great @LuisFigo Pakistan! Saturday in Karachi & Sunday in Lahore. pic.twitter.com/Dd4NXfmOA2

Advertisement

— PTV Sports (@PTVSp0rts) November 8, 2019

فٹ بال کی دنیا کے جن نامور کھلاڑیوں نے پاکستان آکر کھیلنے پر رضامندی ظاہر کی ہے ان میں برازیل کے رکارڈو کاکا، پرتگال کے لوئیس فیگو، اور فرانس کے نیکولس انیلکا شامل ہیں۔

Get ready for the great Nicolas Anelka, Pakistan! Saturday in Karachi & Sunday in Lahore. pic.twitter.com/VN0C7KLAYH

— PTV Sports (@PTVSp0rts) November 8, 2019

پاکستان میں فٹ بال کے فروغ کے لیے ورلڈ سوکر اسٹار کی ٹیم لاہور اور کراچی میں میچ کھیلے گی۔ پہلے یہ ٹیم صرف 10 نومبر کو لاہور میں میچ کھیل رہی تھی لیکن اب یہی ٹیم کراچی میں بھی کھیلنے کو تیار ہوگئی ہے۔

Get ready for the great @KAKA , Pakistan! Saturday in Karachi & Sunday in Lahore. pic.twitter.com/aLmh1Zp17P

— PTV Sports (@PTVSp0rts) November 8, 2019

کھلاڑی 9 نومبر کو کراچی پہنچیں گے اور شام ساڑے 7 بجے   ایف سی کراچی کے ساتھ راحت اسٹیڈیم ڈی ایچ اے میں ایکشن میں دکھائی دیں گے۔

دوسرا نمائشی میچ 10 نومبر کو لاہور میں کھیلا جائے گا۔

واضح رہے کہ پاکستان میں فٹ بال کے فرو غ کے لیے اس سے قبل رواں سال کے آغاز میں کاکا اور فیگو لاہور اور کراچی میں نمائشی میچز کھیل چکے ہیں۔

کاکا کی مقبولیت آج بھی ویسی ہی ہے ۔ابھی حال ہی میں ایک لیڈی میچ ریفری نے دوران میچ ان کے ساتھ سیلفی بھی لی تھی جس کی ویڈیو سوشل میڈیا پر وائرل ہوگئی تھی۔