33ویں نیشنل گیمز پشاور کے لئے سندھ خواتین و مرد باکسنگ ٹیم کا اعلان کر دیا گیا ہے۔

سندھ باکسنگ ایسو سی ایشن کے سیکریٹری عبدالرزاق بلوچ نے اوپن اور حتمی ٹرائلز کے بعد سندھ کی مرد و خواتین باکسنگ ٹیم کا اعلان کر دیا ہے چیئرمین سلیکشن کمیٹی استاد عبدالغنی درویش نے کمیٹی ممبران اولمپیئن ملنگ بلوچ، شیر محمد ،رستم بلوچ اور فدا حسین کے ہمراہ اوپن ٹرائلز کے ذریعے ٹیم کا انتخاب کرکے سیکریٹری ایس بی اے عبدالرزاق بلوچ کے حوالے کی ہے۔

منتخب ہونے والی ٹیم کے کھلاڑیوں میں49 کے جی میں ذوہیب رشید،52 کے جی میں احمد آفریدی،56کے جی میں حامد حسین،60 کے جی میں ذوہیب ستار،64 کے جی میں جلیل احمد،69 کے جی میں خلیل اصغر،75 کے جی میں عماد حسین،81 کے جی میں ساجد فرمان،91 کے جی میں محمد علی اور91پلس میں یاسر جمیل انصاری شامل ہیں، خواتین51کے جی میںرضیہ بانو،57کے جی میں مہرین،60 کے جی میں سارہ کا انتخاب عمل میں آیا ہے۔

سندھ باکسنگ دستہ کے لئے خاور دین، سید محمد عمران، امین بلوچ کو کوچز جبکہ عابد حسین بروہی کو منیجر مقرر کیا گیا ہے ،منتخب ٹیم33ویں نیشنل گیمز میں شرکت کے لئے7نومبر کو خوشحال خٹک ایکسپریس کے ذریعے پشاور روانہ ہوگی۔

واضح رہے کہ33ویں نیشنل گیمز پشاور میں10نومبر سے16نومبر تک شیڈول ہیں۔