سری لنکن ٹیسٹ کرکٹ ٹیم دوسرے ٹیسٹ کے لیےکراچی پہنچ گئی ہے۔جبکہ پاکستانی ٹیسٹ کھلاڑی کراچی ٹیسٹ کھیلنےکےلئے پرجوش ہیں  ۔

تفصیلات کےمطابق سری لنکن ٹیم دوسرے اورآخری ٹیسٹ میچ کھیلنےکے لئےکراچی پہنچ گئی ہے۔ جبکہ  قومی ٹیم  گزشتہ  شب  شہر  قائد پہنچی  تھی ۔

پاکستانی ٹیسٹ اسکواڈ میں شامل کھلاڑی شہر قائد میں سری لنکا کے خلاف شیڈول ٹیسٹ میچ کے لیے انتہائی پرجوش ہیں۔

پاکستان کرکٹ بورڈ نےکراچی ٹیسٹ کےحوالےسےکھلاڑیوں کےتاثرات پرمشتمل ایک وڈیوسوشل میڈیاپرجاری کی ہے۔ جس میں کھلاڑیوں نے ماضی کے تجربات اور دوسرے ٹیسٹ کے حوالے سے نیک خواہشات کا اطہارکیاہے۔

Advertisement

Pakistan stars excited for their upcoming Test match at iconic National Stadium, Karachi#PAKvSL
Match date: Dec 19-23, 2019 pic.twitter.com/6Jsv8afEUQ

— Pakistan Cricket (@TheRealPCB) December 16, 2019

کپتان اظہرعلی نےاپنےخیالات کا اظہارکرتے ہوئے کہاکہ نیشنل اسٹیڈیم کراچی کاشماردنیائےکرکٹ کےبہترین گراونڈمیں ہوتاہےاس کے علاوہ قومی ٹیسٹ ٹیم کااس اسٹیڈیم میں ریکارڈ بھی اچھاہے۔

اسد شفیق  کا کہنا تھا کہ  انہوں نےکراچی کے نیشنل اسٹیڈیم  کے انکلوژرمیں بیٹھ کے میچ دیکھنا آج بھی یاد ہے ۔اسٹیڈیم میں   میچ کے دوران اتنا چورمچایاتھا کہ گھرآتےہی ان کا گلہ نعرےلگانےکی وجہ سےبیٹھ  گیاتھا ۔

دس سال بعد ٹیسٹ  ٹیم میں شامل ہونےوالےفواد عالم نے کہا کہ ٹیسٹ کرکٹ کی بحالی کے بعد ہم نے پہلا ٹیسٹ راولپنڈی میں کھیلا اور اب دوسرا میچ کراچی میں کھیلیں گے، یہ بات کراچی اور سندھ کے لوگوں کے لئے بڑی خوش آئند ہے، امید ہے شائقین گراؤنڈ میں آکر ہماری حوصلہ افزائی کریں گے۔

ٹیسٹ میچ ڈرا، عابد علی اور بابراعظم کی سنچریاں

وکٹ کیپر بیٹسمین محمد رضوان نے کہا کہ وہ گزشتہ 3 سال سے پی ایس ایل میں کراچی کنگز سے کھیلتے ہیں اور اب تو کراچی مجھے اپنا ہی شہر لگنے لگا ہے۔

راولپنڈی ٹیسٹ: چوتھے روز بھی کھیل ممکن نہ ہوسکا

بابراعظم نے کہا کہ کراچی میں ہمارے کوشش ہوگی کہ اپنی پوری صلاحیتوں کو بروئے کارلائیں اور بیٹنگ کےساتھ بولنگ میں بھی اچھی پرفارمنس دیں۔

واضح رہےکہ پاکستان اورسری لنکاکےدرمیان دوسراٹیسٹ 19 دسمبرسےکراچی کےنیشنل اسٹیڈیم میں کھیلاجائےگا۔

جبکہ راولپنڈی اسٹیڈیم میں پاکستان اورسری لنکاکےمابین کھیلےجانےوالا پہلا ٹیسٹ میچ ڈرا ہواتھا۔

پہلے ٹیسٹ میچ کے پانچویں روز مہمان ٹیم نے 6 وکٹوں پر 308 رنز بنا کر اپنی پہلی اننگز ڈیکلئر کر دی تھی جبکہ پاکستان نے پہلی اننگز میں 2 وکٹوں‌ کے نقصان پر 252 رنز بنائے اور میچ ڈرا ہوگیا۔