پاکستان کےمایہ ناز آل راؤنڈر کپتان  شعیب ملک کےکرسمس کی مبارکباد دینے پر بھارتی سیخ پا ہوگئے۔

سماجی رابطے کی ویب سائیٹ  ٹوئیٹر پرشعیب ملک نے کرسمس کی مبارکبا د دیتے ہوئے اپنی ایک تصویر شایع کی جس میں وہ بطور بلے باز خوشی مناتے ہوئے نظر آرہے ہیں جبکہ سابق بھارتی کپتان مہندر سنگھ دھونی شکست خوردہ قدموں سے دوسری جانب جارہے ہیں۔

Merry Christmas dosto 🙏🏼

and a very happy 25th December 💥 pic.twitter.com/imtosyKgJU

Advertisement

— Shoaib Malik 🇵🇰 (@realshoaibmalik) December 25, 2019

اس ٹوئیٹ پر پہلے تو مداح حیران ہوئے کہ شعیب ملک نے کرسمس کی مبارکباد پر دھونی کے ساتھ والی تصویر کیوں لگائی، کئی مداحوں نے یہ سوال بھی کر ڈالا کہ کیا دھونی عیسائی ہیں؟

تاہم اس تصویر کو پوسٹ کرنے کی حقیقت سامنے آمنے پر  جہاں پاکستانی مداح اس سے محفوظ ہوئے وہیں بھارتی شائقین کرکٹ چراغ پا ہوگئے۔

ایک بھارتی صارف  نے  لکھا کہ ’تصویر پہ زیادہ لائک حاصل کرنے کے لیےدھونی کا سہارا لیا، واہ ملک جی‘۔

ایک اور صارف نے ناراضگی کا اظہار کرتے ہوئے کہا کہ’ آپ سے یہ امید نہیں تھی‘۔

Didn't expect this from u

— Anju Negi Rawat (@anjubharatrawat) December 25, 2019

دوسری جانب پاکستانی مداحوں نے اس سے محفوظ ہوتے ہوئے جواب میں مزاحیہ ٹوئیٹس بھی کیں۔

ایک صارف نے لکھا کہ ’ثانیہ بھابھی یہ دیکھ کر خوش نہیں  ہوں گی‘۔

https://twitter.com/hamzakaleem5/status/1209812839323619328

ایک اور صارف نے کہا کہ’واہ بھائی دل خوش کردیا، لیکن آج ہماری بھابھی کے ہاتھوں آپ کی خیر نہیں ہے‘۔

اس تصویر کے پیچھے چھپی کہانی اصل میں ہے کیا یہ ہم بتاتے ہیں۔

یہ تصویر در اصل پاکستان اور بھارت کے درمیان 25 دسمبر 2012 کو بھارتی شہر بنگلور میں کھیلے گئے ٹی ٹوئنٹی  میچ  کی ہے جس میں پاکستان نے 5 وکٹ سے فتح حاصل کی تھی۔

کراچی ٹیسٹ میں کئی منفرد ریکارڈز پاکستان کے نام

بھارت نے پاکستان کو جیت کے لیے 134 رنز کا ہدف دیا تھا جس کے تعاقب میں پاکستان کی تین وکٹیں صرف 12 رنز پر گر گئی تھیں اور بظاہر میچ پاکستان کے ہاتھ سے نکلتا ہوا محسوس ہورہا تھا۔

تاہم محمد حفیظ (61)نےشعیب ملک کے ساتھ  106 رنز کی  شراکت قائم کی اور ٹیم کو جیت کے قریب پہنچا دیا ۔

پاکستان کو جیت کے لیے3 گیندوں پر 6 رنز درکار تھے تو شعیب ملک نے رویندرا جدیجا کی گیند پر شاندار چھکا لگاکر اپنی ٹیم کو فتح سے ہمکنار کیا اور یہ تصویر ان ہی لمحات میں کھینچی گئی تھی۔