پاکستانی طالبہ ندا علی جمالی نے ریسلنگ میں دوگولڈ میڈل حاصل کرلیے

سید قاسم رضا

24th Dec, 2019. 07:57 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

پاکستانی طالبہ ندا علی جمالی نے ریسلنگ میں دوگولڈ میڈل حاصل کرلیے

امریکہ میں مقیم پاکستانی طالبہ نے ریسلنگ کے مقابلوں میں دو گولڈ میڈل حاصل کرلیے۔

تفصیلات کے مطابق صوبہ سندھ کے ضلع بدین سے تعلق رکھنے والی پاکستانی طالبہ ندا علی جمالی نے کیلیفورنیا میں منعقدہ خواتین ریسلنگ مقابلے میں بہترین کارکردگی کا مظاہرہ کرتے ہوئےدو طلائی تمغے جیت لیےہیں۔

ندا علی جمالی کے ماموں بابر جمالی کا نے مقامی خبر رساں ادارے سے بات کرتے ہوئےکہنا تھا کہ ندا اس وقت اپنی تعلیم کے لئے امریکہ میں مقیم ہے اور وہیں اسے ریسلنگ میں دلچسپی پیدا ہوئی۔

انہوں نے کہا ندا نے ریسلنگ کے مقابلے کے لیےباضابطہ تربیت حاصل کی اور اچھی کارکردگی کا مظاہرہ کیا۔

پاکستانی گیمر ارسلان ایش ’ای اسپورٹس پلیئر آف دی ایئر‘ قرار

ندا علی کے ماموں نے مزید بتایا کہ ندا نے امریکی حکومت کے یوتھ ایکسچینج پروگرام کے تحت اسکالر شپ ٹیسٹ میں 6549 امیدواروں میں سے منتخب ہونے والے 77 طلبہ و طالبات میں پہلی پوزیشن حاصل کی تھی۔

ندا علی نے 14 اگست 2018 کو وہاں ’میریز ولا ہائی اسکول ‘میں داخلہ لیا تھا اور وہ میزبان والدین کے خاندان کے ساتھ وہیں رہ رہی ہے۔

واضح رہے کہ ریسلنگ کے مقابلوں میں پاکستان اور امریکہ سمیت دیگر ملکوں کے 568 طلبہ اور طالبات نے حصہ لیا تھا۔