یوں تو ہر برس ہی کچھ نئے ریکارڈ ز کرکٹ کی تاریخ کا حصہ بنتے  رہتے ہیں لیکن 2019 جاتے جاتے کرکٹ کی دنیا میں ایک دو نہیں بلکہ نئے ریکارڈز قائم کرگیا ہے۔

رواں برس بننے اور ٹوٹنے والے  ریکارڈ ز پر ایک طائرانہ نظر ڈالی جائے تو فہرست کافی طویل ہو جائے گی  لیکن ہم آپ کو یہاں کچھ خاص مواقعوں اور ریکارڈز کے بارے میں تفصیل سے آگاہ کرتے ہیں۔

رواں برس  کے آغاز میں 26 جنوری  کو نیپال کے روہت پوڈیلانٹرنیشنل کرکٹ میں نصف سنچری اسکور کرنے والے سب سے کم عمر بلے باز بن گئے۔

انہوں نے یہ کارنامہ16 برس اور 146 دن کی عمر میں انجام دیا۔

23 فروری کو سری لنکا  ،جنوبی افریقا   کو 0-2 سے شکست دے کر جنوبی افریقا میں ٹیسٹ سیریز جیتنے والی  پہلی ایشین ٹیم بن گئی۔

2️⃣0️⃣1️⃣9️⃣ leaves us with unforgettable cricketing memories!

Which is your favourite?

Watch our 2019 rewind below ⏪ pic.twitter.com/2vXyotmMts

— ICC (@ICC) December 31, 2019

2019 افغان ٹیم پر کافی مہربان رہا ہے۔24 فروری کو افغانستان نے آئرلینڈ کے خلاف میچ میں  ٹی ٹوئنٹی انٹرنیشنل کی تاریخ کا  سب سے بڑا مجموعہ، 278 رنز  اسکور کر ڈالے۔

اس کے بعد 18 مارچ کو افغانست  نے آئر لینڈ کو شکست دے کر ٹیسٹ کرکٹ میں اپنی پہلی فتح حاصل کی ۔

27 اپریل کو آسٹریلیا کی کلیئر پولوسیک نے مردوں کے ایک روزہ مقابلے میں امپائرنگ کرنے والی پہلی  خاتون امپائر ہونے کا اعزاز حاصل کیا۔

رواں برس نمیبیا، اومان ، امریکہ اور پاپوا نیوگنی کی ٹیموں کے لیے بھی خوش آئند رہا کہ ان تمام ٹیموں کو ایک روزہ انٹرنیشنل میچز میں مقابلوں کا اسٹیٹس حاصل ہوگیا۔

سال 2019شاہینوں کےلئےکیسارہا؟

18 جون کو انگلینڈ کے ون ڈے کپتان اوئن مورگن نے افغانستان کے خلاف میچ میں 17 چھکے  لگاکر ایک روزہ میچ میں سب سے زیادہ  چھکے لگانے کا ریکارڈ اپنے نام کیا۔

جون 2020میں یوگنڈا کی خواتین ٹیم نے کسی بھی ٹی ٹوئنٹی  میچ میں سب سے زیادہ مجموعی رنز بنانے کا ریکارڈ قائم کیا۔ یوگنڈا کی ٹیم نے 314 رنز بنائے۔

رواں برس ہونے والے ورلڈ کپ میں آسڑیلیا کے مچل اسٹارک نے 27 وکٹیں حاصل کرکے کسی بھی ایک ورلڈ کپ میں سب سے زیادہ وکٹیں لینے کا اپنے ہی ہم وطن گلین میک گرا کا ریکارڈ توڑڈالا۔

2019 کا سب سے یادگار اور حیرت انگیز لمحہ رواں برس ہونے والے ایک روزہ ورلڈ کپ کا فائنل میچ تھا جو میزبان انگلینڈ اور نیوزی لینڈ کے مابین کھیلا گیا۔

یہ ایک روزہ ورلڈ کپ کی تاریخ کا پہلا موقع تھا کہ جب فائنل میچ میں فتح کا فیصلہ سپر اوور  کے ذریعے ہوا جس میں  امپائر کے ایک متنازع فیصلے کے باعث انگلینڈ پہل بار ورلڈ کپ کا فاتح قرار پایا۔

 بعض مبصرین اور ماہرین کی جانب سے  امپائر کے فیصلے پر شدید تنقید بھی کی گئی۔

6 ستمبر کو سری لنکا کے سابق کپتان لاستھ ملنگا نے نیوزی لینڈ کے خلاف مسلسل 4 بالز پر 4وکٹیں حاصل کرکے نئی تاریخ رقم کی۔ ان کے سوا یہ کارنامہ کوئی اور انجام نہیں دے سکا۔

رواں برس کا دوسرا بڑا تاریخی موقع پاکستان میں ٹیسٹ کرکٹ کی واپسی تھی جب 11 دسمبر کو سری لنکا اور پاکستان کے مابین 10 برس بعد پاکستان  کی سرزمین پر کوئی ٹیسٹ میچ کھیلاگیا۔