سری لنکا کے خلاف قومی ٹیسٹ ٹیم کا اعلان کر دیا گیا ہے ٹیسٹ بیٹسمین فوادعالم کئی عرصےبعد ٹیم میںاپنی جگہ بنانےمیں کامیاب ہوگئےہیں۔

چیف سلیکٹراورہیڈ کوچ مصباح الحق نےلاہورمیں پریس کانفرنس کرتےہوئےسری لنکا کے خلاف سیریز کے لیے اسکواڈ کااعلان کیا۔

سری لنکا کے خلاف سیریز کے لیے قومی ٹیم کا اعلان کرتے ہوئے مصباح الحق کا کہناتھاکہ آسٹریلیا کے خلاف سیریز کھیلنےوالی ٹیم میں دو تبدیلیاں کی گئی ہیں، افتخار احمد کی جگہ فوادعالم کوٹیسٹ اسکواڈمیں شامل کیاگیاہےجب کہ موسیٰ خان کی جگہ عثمان شنواری کو ٹیم کاحصہ بنایا گیا ہے۔

مصباح الحق کاکہناتھاٹیم کی سلیکشن تنہا نہیں کرتا بلکہ 6 سلیکٹرز کھلاڑیوں کی پرفارمنس کا غور سے جائزہ لیکر انتخاب کرتے ہیں، سب کے ساتھ مشاورت کے بعد ٹیم منتخب کی گئی تھی۔

مصباح الحق نے ٹیم کا اعلان کرتے ہوئے مزید  بتایا کہ اظہر علی ٹیم کے کپتان برقرار رہیں گے جب کہ دیگر کھلاڑیوں میں بابراعظم، محمد رضوان، نسیم شاہ، شاہین شاہ آفریدی، محمد عباس، عابد علی، حارث سہیل، کاشف بھٹی، اسد شفیق، یاسر شاہ، شان مسعود، امام الحق اور عمران خان شامل ہیں۔

ٹیم کے حوالےسے  قومی ٹیم کے چیف سلیکٹر کا مزید کہنا تھا ہم نے بہترین ٹیم منتخب کی ہے جو سری لنکا کو شکست دے سکتی ہے۔

دوسری جانب  کئی سال سے ٹیم سے باہر رہنے والے فواد عالم قائداعظم ٹرافی کے رواں سیزن میں اب تک 4 سنچریاں اسکور کر چکے ہیں اور ان کا میڈیا سے بات کرتے ہوئے کہنا تھا امید ہے کہ اس بار ٹیم میں موقع ملے گا۔

پاکستان اورسری لنکا کےدرمیان  ٹیسٹ سیریزکاپہلا ٹیسٹ میچ 11 سے 15 دسمبرتک پنڈی کرکٹ اسٹیڈیم راولپنڈی میں کھیلاجائے گاجبکہ دوسرا ٹیسٹ میچ 19 سے 23 دسمبر تک نیشنل اسٹیڈیم کراچی میں کھیلاجائےگا۔