آئی سی سی ویمنز چیمپئن شپ میں شامل تین ایک روزہ میچوں پر مشتمل سیریز کے دوسرے میچ میں انگلینڈ ویمنز کرکٹ ٹیم  نے پاکستان ویمنز کرکٹ ٹیم کو 127رنز سے شکست دے کر سیریز میں 0-2کی  ناقابل شکست برتری حاصل کرلی ہے۔

کنرارا اوول، کوالالمپور میں کھیلے جانے والے میچ میں انگلینڈ ویمنز کرکٹ ٹیم کی کپتان ہیتھر نائٹ نے ٹاس جیت کر پہلے بیٹنگ کا فیصلہ کیا تو ان کا آغاز کچھ اچھا نہ ہوا۔

دوسرے ہی اوور میں گذشتہ میچ کی سینچورین  ڈینی ویاٹ 6 رنز بنا کر ندا ڈار کی گیند کپتان بسمہ معروف کو کیچ تھما بیٹھیں ۔ یبیماؤنٹ  بھی گذشتہ میچ   کی طرح سنچری اسکور کرنے میں ناکام رہیں21 رنز بناکر نشرہ سندھو کا شکار بنیں۔

اس کے بعد کپتان ہیتھر نائٹ اور نتالی اسکیورنے اسکور کو 151 رنز تک پہنچایا   تو ہیتھر نائٹ 86 رنز پر رن آؤٹ  ہوکر پویلین پہنچ گئیں۔ایمی جونز  بھی17 رنز بناکر ندا ڈار کی گیند پر ایل بی ڈبلیو ہوگئیں۔

تاہم نتالی اسکیور نے شاندار بلے بازی کا مظاہرہ جاری رکھا اور دوسرے اینڈ سے فرین ولسن نے بھی ان کا خوب ساتھ نبھاتے ہوئے اسکور کو مقررہ پچاس اوورز میں 4 کے وکٹ کے نقصان پر 327 رنز تک پہنچادیا۔

ویمنز سیریز: انگلینڈ نے پاکستان کو 75 رنز سے شکست دے دی

دونوں نے بالترتیب 100اور 85 رنز کیاننگز کھیلیں۔

پاکستان کی جانب سے ندا ڈار نے 2 جبکہ نشرا سندھو نے ایک وکٹ حاصل کی۔

328رنز کے تعاقب میں  قومی خواتین کرکٹ ٹیم45ویں اوور میں 200 رنز بناکر آل آؤٹ ہوگئی۔

کپتان بسمہ معروف اور ناہیدہ خان کے علاوہ کوئی بھی متاثر کن کارکردگی نہ دکھا سکا۔دونوں نے بالترتیب 64 اور 40 رنز اسکور کیے۔

اس  کے علاوہ جویریہ خان 26، سدرہ نواز 16،سدرہ امین 12، عمیمہ سہیل9، رامین شمیم6،ڈیانا بیگ 5 اور ندا ڈار4، رنز بناسکیں جبکہ عالیہ ریاض  اور نشرہ سندھوکھاتہ کھولے بغیر ہی پویلین لوٹ گئیں۔

مہمان ٹیم کی جانب سے آنیا شربسول،سارہ گلین،صوفی ایکلیسٹون اور ہیتھر نائٹ نے 2،2 جبکہ کیٹ کراس نے ایک وکٹ حاصل کی۔

دونوں ٹیموں  کے درمیان سیریز کا تیسرا اور آخری میچ 14 دسمبر کو کنرارا اکیڈمی اوول میں کھیلا جائے گا۔