پاکستانی کرکٹ کھلاڑی اور سابق پاکستانی کرکٹ کپتان شاہد خان آفریدی نے نجی ٹی وی چینل کے شو میں اپنے غصے سے متعلق ایک زبردست انکشاف کیا ہے۔

میزبان کی جانب سے غصے کے متعلق سوال پوچھنے پر شاہد آفریدی نے جواب میں بتایا کہ انہوں نے ایک مرتبہ طیش میں اپنے گھر کا ٹی وی توڑ دیا تھا۔

 بوم بوم آفریدی نے غصہ کرنے اور اس پر ردعمل کی وجہ بتاتے ہوئے کہا کہ ایک روز جب وہ اپنے گھر کے لاؤنج میں آئے تو انہوں نے دیکھا کہ ٹی وی پر بھارتی چینل لگا ہوا ہے اور ان کی بیٹی بھارتی ڈرامہ سیرل دیکھتے ہوئے نشر ہونے والی حرکات کی نقل کر رہی ہے۔

شاہد خان آفریدی نےبات کی وضاحت کرتے ہوئے بتایا کہ انکی بیٹی بھارتی ڈراموں میں کی جانے والی ’آرتی‘ کی پیروڈی کر رہی جسے دیکھ کر وہ طیش میں آگئے اور کہنی مار کر ٹی وہ توڑ دیا۔

انہوں نے مزید بتایا کہ یہ ان دنوں کی بات ہے جب بھارتی ڈرامے پاکستان میں بہیت زیادہ دیکھے جاتے تھے اور ان کی زوجہ بھی ان ڈراموں کو دیکھنے کا شوق رکھتی تھیں۔

یاد رہے کہ حال ہی میں ایک اداکار کی پبلک پلیس میں ہوٹل کے کارکن سے بدتمیزی کی ویڈیو بھی وائرل ہوئی تھی لیکن اب کون کس طرح اور کن وجوہات کی بناء پر اپنی اصل زندگی میں غصہ کرتا ہے یہ تو وہ خود ہی بتا سکتے ہیں لیکن ہمارے ایک ہر دل عزیز کھلاڑی نے اپنی اس بات کا انکشاف خود ہی ایک شو میں انٹرویو کے دوران کردیا۔