کئی برسوں تک دنیائے باکسنگ پر حکومت کرنے والے لیجنڈ ری ہیوی ویٹ باکسر محمد علی کے مداح آج ان کی 78 ویں سالگرہ منا رہے ہیں ۔

حریف باکسرز کو دھول چٹانے والے محمد علی نے 17 جنوری 1942ء کو امریکا کے شہر لوئسویل کے ایک مسیحی گھرانے میں آنکھ کھولی اور ان کا نام کلے رکھا گیا ۔

محمد علی نے 29 اکتوبر1960ء کو آبائی قصبے لوئسویل میں پہلا مقابلہ جیتا ۔60کی دہائی میں انہوں نے روم اولمپک میں سونے کا تمغہ جیت کر اپنے مداحوں کی تعداد میں بے پناہ اضافہ کرلیا۔

تاہم انہیں اصل شہرت 1964 میں دنیائے باکسنگ کے خطرناک ترین کھلاڑی سونی لسٹن کو شکست دے کر حاصل  ہوئی۔اس جیت کے ساتھ ہی وہ شہرت کی بلندیوں پر پہنچ گئے۔

ستر کی دہائی میں اس عظیم باکسر نے اسلامی تعلیمات سے متاثر ہوکر اسلام قبول کر لیا۔

معروف ریسلر ’دی راک‘ کے والد راکی جانسن انتقال کرگئے

1974 میں محمد علی نے جارج فورمین کو شکست دے کر 32 سال کی عمر میں باکسنگ کا عالمی ٹائٹل اپنے نام کیا۔

باکسنگ کے شہنشاہ محمد علی 40 سال کی عمر میں  باکسنگ سے ریٹائر  ہوگئے۔

باکسنگ میں ان کا کیریئر 20 سال پرمحیط رہا۔ اس دوران انہوں نے 56 مقابلے جیتے اور 37 باکسرز کو ناک آؤٹ کیا۔ انہیں ورلڈ باکسنگ کونسل کی جانب سے ’کنگ آف باکسنگ ‘کا خطاب بھی دیا گیا۔

ریٹائر منٹ کے بعد بہت سے فلاحی کاموں میں حصہ لیا ۔ایک وقت ایسا بھی آیا جب عظیم باکسر محمد علی کرہ ارض پر بلا شبہ سب سے زیادہ شہرت یافتہ شخص بن گئے۔

لیجنڈ باکسر نے  باکسنگ رنگ سے باہر نسل پرستوں کو بھی شکست دی ۔انہوں نے ہمیشہ نسل پرستی اور قومیت کو شکست دی ۔

4جون 2016ء کو یہ عظیم باکسر 74 برس کی عمر میں انتقال کر گیا لیکن مداحوں کے دل میں آج بھی زندہ ہے۔