بنگلہ دیش نے نیوزی  لینڈ کو شکست دے  کر انڈر 19 کرکٹ ورلڈ کپ  کے فائنل میں رسائی حاصل کرلی۔

پوچیفسٹروم میں کھیلے گئے انڈر 19 کرکٹ ورلڈ کپ  کے دوسرے سیمی فائنل  میں بنگلہ دیش نے نیوزی لینڈ کو 6 وکٹوں سے شکست دے کر فائنل کے کوالیفائی کرلیا۔

 بنگلہ دیش کرکٹ ٹیم نے 212 رنز کا ہدف محمد حسن جوئےکی  شاندار سنچری کی بدولت 45 ویں اوور میں 4 وکٹوں کے نقصان پر با آسانی  حاصل کرلیا۔

محمد حسن جوئے نے 100، توحید ہریدوئے اور شہادت  حسین (3) نے 40،40 ، پرویز حسین ایمان14نے، شمیم حسین نے 5جبکہ تنزید حسن نے 3 رنز بنائے۔

نیوزی لینڈ کی جانب سے کلارک ، ہینکوک، اشوک اور تاشکوف نے ایک ایک وکٹ حاصل کی۔

اس سے قبل بنگلہ دیش نے ٹاس جیت کر نیوزی لینڈ کو پہلے بیٹنگ کی دعوت دی تو نیوزی لینڈ ٹیم مقررہ 50 اوورز میں 8 وکٹوں کے نقصان پر 211 رنز ہی بنا سکی۔

ویلر گرینال نے 75 رنزکی ناقابل شکست اننگز کھیلی ۔ ان کے علاوہ لڈاسٹون 44 اور لیلی مین 24 رنز بناکر نمایاں رہے۔

دیگر بلے بازوں میں اولی وائٹ 18، جوئےفیلڈ 12،کپتان تاشکوف 10، کلارک 7، اشوک 5 جبکہ سنڈے اور ماریو نے ایک ایک  رن بناسکے۔

بنگلہ دیش کی جانب سے شریف الاسلام نے 3،شمیم حسین اور حسن مراد نے 2،2 جبکہ رقیب الحسن نے ایک وکٹ حاصل کی۔

محمد حسن جوئے کو شاندار سنچری اسکور کرنے پر میچ کا بہترین کھلاڑی قرار دیا گیا۔

خیال رہے کہ انڈر 19 کرکٹ ورلڈ کپ کا فائنل 9 فروری بروز اتوار کو کھیلا جائے گا جہاں بنگلہ دیش کا مقابلہ  بھارت سے ہوگا۔

یاد رہے کہ اس سے قبل پہلے سیمی فائنل میں بھارت  نے پاکستان کو 10 وکٹوں سے شکست دے کر فائنل میں رسائی حاصل کی تھی۔

پاکستان اور نیوزی لینڈ کی ٹیمیں تیسری پوزیشن کے لیے 8 فروری بروز ہفتے کو مد مقابل آئیں گی۔