قومی ٹیسٹ  کرکٹ ٹیم کے  کپتان اظہر علی کا کہنا ہے کہ کسی بھی ٹیم کے خلاف ٹیسٹ میچ جیتنا آسان نہیں ہوتا۔

راولپنڈی کرکٹ اسٹیڈیم میں  پریس کانفرنس  کرتے ہوئے کپتان اظہر علی   کہنا تھا کہ بنگلہ دیش کو آسان حریف نہیں سمجھتے ،بھر پور طاقت  کے ساتھ گراؤنڈ میں اتریں گے۔

انہوں نے کہا کہ فاسٹ باؤلنگ  ہماری طاقت ہے اسی کا استعمال کرنا چاہتے ہیں ۔ موجودہ فارم اور ہوم گراؤنڈ کا بھر پور استعمال کریں گے ۔

کپتان اظہر علی کا کہنا تھا کہ کوشش ہے کہ ایک آئیڈیل کمبی نیشن بنایا  جائے ۔ کوشش ہوگی کہ وننگ کمبی نیشن برقرار رکھیں۔

انہوں نے کہا کہ بنگلہ دیش ٹیم میں بلاشبہ ان کے ریگولر کپتان سمیت کئی اہم کھلاڑی شامل نہیں  ہیں لیکن انہیں ہرانا آسان نہیں  ہوگا۔

کپتان اظہر علی  نے کہا کہ کسی بھی ٹیم کے خلاف  ٹیسٹ میچ جیتنا آسان نہیں ہوتا لیکن ہم بنگلہ دیش کو ہرانے کی بھرپور کوشش کریں گے۔

قومی ٹیسٹ کپتان کا کہناتھا  کہ وہ اپنی کارکردگی سے مطمئن نہیں  ہیں لیکن آخری میچ میں سنچری اسکور کرنے سے اعتماد بحال ہوا  ہے۔

بھارتی کرکٹ ٹیم پر مسلسل تیسری مرتبہ جرمانہ عائد

ایک سوال کے جواب میں کپتان اظہر علی نے کہا کہ فواد عالم اسکواڈ میں پرفارمنس کی بنیاد پر آیا ہے اور کوئی بھی کھلاڑی  پرفارم کرکے کبھی بھی ٹیم میں آسکتا ہے ۔

انہوں نے مزید کہا کہ فہیم اشرف کو اگلی سیریز کو مدنظر رکھتے ہوئے شامل کیا گیا ہے ۔

قومی ٹیسٹ ٹیم کے کپتان کا کہنا تھا کہ راولپنڈی کا کراؤڈ بہت اچھا ہے ،امید ہے  شائقین کو اچھی کرکٹ دیکھنے کو ملے  گی۔

اس سے قبل سیریز ی ٹرافی کی تقریب رونمائی  ہوئی  جس میں دونوں کپتانوں نے شرکت کی۔

Walton presents Osaka Batteries Cup trophy unveiling ceremony. #PAKvBAN pic.twitter.com/gCsHKKJcSt

— Pakistan Cricket (@TheRealPCB) February 6, 2020

واضح رہے کہ پاکستان اور بنگلہ دیش  کے درمیان دو ٹیسٹ میچز پر مشتمل سیریز کا پہلا میچ کل (جمعہ ) سے راولپنڈی کرکٹ اسٹیڈیم میں کھیلا جائے گا۔

اس سے قبل تین ٹی ٹوئنٹی میچز کی سیریز میں پاکستان نے بنگلہ دیش کو وائٹ واش کیا تھا۔