انٹرنیشنل کرکٹ کونسل(آئی سی سی) نے ٹی ٹوئنٹی  کی تازہ رینکنگ  جاری کردی  ، بلے بازوں میں بابر اعظم کی حکمرانی برقرار ہے۔

انٹرنیشنل کرکٹ کونسل (آئی سی سی )کی جانب سے جاری کی جانے والی عالمی ٹی ٹوئنٹی رینکنگ میں  پاکستان کے ٹی ٹوئنٹی  کپتان بابر اعظم بدستور نمبر ون ہیں۔

نیوزی لینڈ کے خلاف سیریز میں عمدہ کارکردگی کی بدولت بھارت کے  لوکیش راہول 4 درجے چھلانگ  کے ساتھ دوسرے نمبر پر آگئے ہیں جبکہ  آسٹریلوی کپتان ایرون فنچ  ایک قدم پیچھے ہٹتے ہوئے تیسری پوزیشن پر چلے گئے ہیں۔

نیوزی لینڈ کے کولن منرو  بدستور چوتھی جبکہ انگلینڈ کے ڈیوڈ ملان 2 اور آسٹریلیا کے گلین میکسویل ایک درجے تنزلی کے بعد بالترتیب پانچویں اور چھٹی پوزیشن پر آگئے ہیں۔

ویسٹ انڈیز کے ایون لوئس ساتویں، افغانستان کے حضرت اللہ زازئی آٹھویں اور بھارتی کپتان ویرات کوہلی  نویں نمبر پر موجود ہیں جبکہ بھارت کے روہت شرما تین درجے ترقی پاکر ٹاپ ٹین میں شامل ہوگئے ہیں ۔

⬆️ KL Rahul
⬆️ Rohit Sharma

The India openers have made significant gains in the latest @MRFWorldwide ICC T20I Player Rankings for Batting 👏

Full rankings 👉 https://t.co/EdMBslOYFe pic.twitter.com/h5K1fgkyiD

— ICC (@ICC) February 3, 2020

بالنگ رینکنگ میں دو پاکستانی ٹپ ٹین میں شامل ہیں۔

ٹی ٹوئنٹی بالنگ کی رینکنگ میں افغانستان کے راشدخان اور  مجیب الرحمان بالترتیب پہلے اور دوسرے نمبر پر موجود ہیں۔نیوزی لینڈ کے  مچل سینٹنر تیسری ، آسٹریلیا کے ایڈم زیمپا چوتھی جبکہ پاکستان کے   عماد وسیم پانچویں پوزیشن پر موجود ہیں۔

 اس کے علاوہ جنوبی افریقا کے ایندائل فیلکوایوچھٹے، انگلینڈ کے عادل راشدساتویں، پاکستان کے  شاداب خان آٹھویں،آسٹریلیا کے  ایشٹن اگر نویں اور انگلینڈ کے کرس جورڈن  دسویں نمبر پر موجود ہیں۔

ٹاپ ٹین آل راؤنڈرز میں کوئی پاکستانی  کھلاڑی شامل نہیں ہے۔