بابر اعظم اور شان مسعود کی سنچریز، پاکستان کو 109 رنز کی برتری حاصل

سید قاسم رضا

08th Feb, 2020. 05:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بابر اعظم اور شان مسعود کی سنچریز، پاکستان کو 109 رنز کی برتری حاصل

پاکستان نے راولپنڈی ٹیسٹ کے دوسرے روز کے اختتام تک بابر اعظم اور شان مسعود کی سنچریز کی بدولت پہلی اننگز میں 109 رنز کی برتری حاصل کرلی ہے اور اس کی سات وکٹیں باقی ہے۔

راولپنڈی میں کھیلے جانے والے دو ٹیسٹ میچز کی سیریز کے پہلے میچ میں پاکستان نے پہلی اننگز میں بنگلہ دیش کے خلاف 109 رنز کی برتری حاصل کرلی ہے۔

آج صبح میچ کا آغاز پاکستان کی اننگز کے ساتھ ہوا تو 2 کے مجموعی اسکور پر اپنے اولین ٹیسٹ میچ میں سنچری اسکور کرنے والے عابد علی بغیر کھاتہ کھولے ہی پویلین لوٹ گئے۔

کپتان اظہر علی (34) نے شان مسعود کا کچھ ساتھ دیا مگر 93 کے مجموعی اسکور پر وہ بھی ان کا ساتھ چھوڑ گئے۔اس کے بعد شان مسعود اور بابر اعظم نے 112 رنز کی شراکت قائم کی۔شان مسعود 100 رنز بناکر آؤٹ ہوگئے۔

شاہین شاہ آفریدی کی تباہ کن بالنگ، بنگلہ دیش پہلی اننگز میں 233 رنز پر ڈھیر

دن کے اختتا م تک بابر اعظم اور اسد شفیق نے 137 رنز کی ناقابل شکست شراکت قائم کرچکے ہیں۔ بابر اعظم 143 اور اسد شفیق 60 رنز بناکر کریز پر موجود ہیں۔

یاد رہے کہ اس سے قبل پاکستان نے ٹاس جیت کر پہلے بالنگ کا فیصلہ کیا تھا اور شاہین شاہ آفریدی کی تباہ کن بالنگ کے سبب بنگلہ دیشی ٹیم پہلی اننگز میں 233 رنز پہ ڈھیر ہوگئی تھی۔