بھارتی کرکٹ بورڈ ( بی سی سی آئی )نے  کورونا وائرس کے خدشات کے پیش نظر  انڈین پریمئر لیگ  ( آئی پی ایل )کو  بھی ملتوی کر دیا۔

تفصیلات کے مطابق  دنیا بھر میں کورونا وائرس کے بڑھتے ہوئے کیسز کے باعث بھارت نے آئی پی ایل  کو ملتوی کر دیا ہے۔

بھارتی کرکٹ بورڈ کے ذرائع  نے تصدیق  کی ہے کہ آئی پی ایل کو ملتوی کرنے کا فیصلہ کر لیا گیاہے۔اب آئی پی ایل 15 اپریل سے شروع ہو گی اور اس حوالے سے تمام فرنچائزز کو پیغام پہنچا دیاگیا ہے ۔

انگلینڈ کرکٹ ٹیم نے دورہ سری لنکا منسوخ کردیا، وطن واپسی کا اعلان

بھارتی کرکٹ بورڈ نے آئی پی ایل کی ٹیموں کے مالکان سے ہفتے کے روز ملاقات کا فیصلہ کیا ہے جس میں دیگر معاملات زیر بحث لائے جائیں گے ۔

آئی پی ایل ٹیم کے ایک آفیشل نے بھارتی میڈیا سے بات چیت کرتے ہوئے بتایا کہ  ہمیں آئی پی ایل کو ملتوی کرنے کے فیصلے سے آگاہ کردیا گیا ہے۔

واضح رہے دنیا بھر میں پھیلنے والی وباءسے جہاں معیشت کو بری طرح نقصان پہنچا ہے وہیں اس سے کھیلوں اور تعلیم سمیت دیگر سرگرمیاں بھی متاثر ہوئی ہیں۔

بنگلہ دیشی ٹیم کا دورہ پاکستان ملتوی

امریکا نے ملک میں ہونے والی تمام کھیلوں کی سرگرمیاں معطل کر دی ہیں۔صدر ڈونلڈ ٹرمپ نے مشورہ دیا ہے کہ اولمپکس گیمز 2020 بھی منسوخ کر دینے چاہئیں۔

آسٹریلیا اور نیوزی لینڈ کے درمیان آج کھیلا گیا ایک روزہ میچ کرکٹ کی تاریخ کا پہلا میچ ہے جو تماشائیوں کے بغیر کھیلا گیا اور پی ایس ایل کا کراچی میں ہونے والا میچ بھی شائقین کے بغیر کھیلا جائے گا۔

پاکستان سپر لیگ (پی ایس ایل) میں شامل  بیشتر غیر ملکی کھلاڑیوں نے  بھی وطن واپسی کا اعلان کردیا ہے۔

پی ایس ایل کے بقیہ تمام  میچز کراچی سے لاہور منتقل کردیے گئے ہیں جو کہ تماشائیوں کے بغیر کھیلے جائیں گے۔