انٹرنیشنل اولمپک کمیٹی نے  کورونا وائرس کے پھیلاؤ کے سبب ٹوکیو اولمپکس  کو ایک سال کے لیے ملتوی کر دیا ۔

تفصیلات کے مطابق  انٹرنیشنل اولمپک کمیٹی کے صدرتھامس بوچ   نے جاپان کے وزیر اعظم شنزو ابے سے ملاقات کی۔

ملاقات  میں ٹوکیو اولمپکس 2020 کو ملتوی کرنے کا فیصلہ  کیا گیا جو اب سمر 2021 سے پہلے کروا ئے جانے کا امکان ہے۔حتمی تاریخ کا اعلان باہمی مشورے سے بعد میں کیا گیا جائے گا۔

Joint Statement from the International Olympic Committee and the Tokyo 2020 Organising Committeehttps://t.co/XNcaa4Gvx8

Advertisement

— Olympics (@Olympics) March 24, 2020

دنوں رہنماؤں کے درمیان فیصلہ کیا گیا  ہے کہ گیمز کا نام اولمپک اینڈ پیرا اولمپک گیمز 2020ہی رہے گا جبکہ اس دوران اولمپک مشعل جاپان کے اندر ہی رہے گی۔

اجلاس میں جاپان ٹوکیو اولمپک آرگنائزنگ   کمیٹی کے سربراہ اولمپک منسٹر ہاشی موٹو سیکو  ،کوآرڈینیشن کمیٹی کے گورنر جان کوٹس ،آئی او سی ڈائریکٹر بھی شریک تھے۔

اس سے قبل دونوں رہنماؤں نے ورلڈ ہیلتھ آرگنائزیشن کے ڈائریکٹر جنرل ٹیڈرس اڈھم گیربریسس سے بھی  ملاقات کی تھی ۔ڈبلیو ایچ او کے ڈی جی نے بتایا  تھا کہ اس وقت دنیا میں تین لاکھ 95ہزار افراد میں یہ مرض لاحق ہو چکا ہے۔