پاکستان سپر لیگ (پی ایس ایل 5) کے اکیسویں میچ میں لاہور قلندرز  کے بالرز  نے کوئٹہ گلیڈی ایٹرز  کی بیٹنگ کو تہس نہس کردیا۔

قذافی اسٹیڈیم لاہور میں کھیلے جارہے میچ میں  لاہور قلندرز نے ٹاس جیت کر کوئٹہ گلیڈی ایٹرز کو پہلے بیٹنگ کی دعوت دی تو کوئٹہ گلیڈی ایٹرز کی ٹیم ابتداء سے مشکلات کا شکار رہی۔

پاور پلے میں محض 21 رنز پر 6 وکٹیں گنوانے کے بعد سہیل خان (32)اور زاہد محمود (19)نے ٹیم کو کچھ سہارا دیا   اور اسکور کو مقررہ 20 اوورز میں 9 وکٹوں کے نقصان پر 98 رنز تک پہنچانے میں اہم کردار ادا کیا۔

Advertisement

Horror show for Quetta, dream innings for Lahore. #LQvQG #HBLPSLV pic.twitter.com/fXHaLJnJH8

— PakistanSuperLeague (@thePSLt20) March 7, 2020

محمد نواز 10 رنز بناکر دیگر نمایاں بلے بازرہے جبکہ  کوئٹہ کے تین کھلاڑی (شین واٹسن، اعظم خان اور بین کٹنگ )بغیر کھاتہ کھولے ہی پویلین لوٹ گئے۔ احمد شہزاد 9،جیسن روئے 6،فواد احمد 4اور محمد حسنین 2 رنز بناسکے۔

لاہور قلندرز کی جانب سے سمیت پٹیل نے شاندار بالنگ کا مظاہرہ کرتے ہوئے 4 اوورز میں محض 5 رنز دے کر 4 وکٹیں حاصل کیں۔شاہین شاہ آفریدی اور فرزا راجہ  نے2،2 جبکہ سلمان ارشاد نے ایک وکٹ حاصل کی۔

اس سے قبل کھیلے گئے آج کے پہلے میچ میں پشاور زلمی نے اسلام آباد یونائیٹڈ کو ڈک ورتھ لوئس میتھڈ کے تحت 7 رنز سے شکست دی تھی۔