پاکستان کی ورلڈ کپ 1992 کی فتح کو 28 سال مکمل ہوگئے تاہم کورونا وائرس کی  وباء کی وجہ سے اس کی سالگرہ نہ منائی جا سکی۔

25 مارچ 1992 کو میلبورن میں کھیلے جانے والے فائنل میں پاکستان نے انگلینڈ کو شکست دے کر تاریخ میں پہلااور ابھی تک  کا واحد ورلڈ کپ  اپنے نام کیا تھا۔

 گروپ مرحلے میں بڑی مشکل سے سفر جاری رکھنے والے گرین شرٹس فارم میں  آئے تو پھر کسی حریف کو خاطر میں نہیں لائے اور فیورٹ نہ ہونے کے باوجود مشن مکمل کرتے ہوئے دنیا کو حیران کردیا۔

Gorgeous setting for the 1992 World Cup Trophy in Lahore today! 😍

Advertisement

Watch Live ▶ https://t.co/EQXVyD4Eqi pic.twitter.com/d2crlMQ4ak

— Pakistan Cricket (@TheRealPCB) March 25, 2020

1992 کے ورلڈ کپ میں ٹیم کی قیادت کرنے والے عمران خان نے سیاست کے میدان میں قدم رکھا اور اس وقت ملک کے وزیراعظم ہیں۔

آئی سی سی نے 30 جون تک ہونے والے تمام کرکٹ ایونٹس ملتوی کردیے

کورونا وائرس کی وجہ سے پیدا ہونے والی صورتحال میں پی سی بی سالگرہ کی تقریب کا اہتمام  تو نہیں کر سکا،البتہ کرسٹل ٹرافی کو قذافی اسٹیڈیم میں رکھ کر تصویر اور یادگار سفر کی ویڈیو جاری کر دی۔

فاتح ٹیم کے 2ارکان رمیز راجہ اور وسیم اکرم نے اپنی یادیں تازہ کرتے ہوئے کہا کہ فتح کے بعد قوم نے ہمیں ہیرو کا درجہ دیا، ایئرپورٹ سے روانہ ہوئے تو نصف گھنٹے کا سفر 6 گھنٹے میں طے ہوا۔

📽️@wasimakramlive and @iramizraja go down the memory lane and talk about Pakistan’s 1992 World Cup victory 🏆 https://t.co/iMTZLDcjqU

— Pakistan Cricket (@TheRealPCB) March 25, 2020

وسیم اکرم نے کہا کہ اس فتح سے دنیا میں پاکستان کی پہچان ہوئی، ہم سب کو بہت زیادہ مقبولیت حاصل ہوئی، بعد ازاں ہم میں سے کئی، کوچ اور  کپتان بنے۔

 عمران خان کا نام لیے بغیر  وسیم اکرم نے کہا کہ ایک تو سیاستدان اور وزیر اعظم بھی بن گیا۔