تنازعات میں گھرے پاکستان ٹیم کے بلے باز عمر اکمل کے کیس کی سماعت کل ہو گی۔

تفصیلات کے مطابق پاکستانی بلے باز عمراکمل کے کیس کی سماعت کرکٹ بورڈ کا ڈسپلنری پینل نیشنل کرکٹ اکیڈمی میں کرے گا جبکہ پینل میں شامل چیئرمین لاہور ہائیکورٹ کے سابق جج، جسٹس ریٹائرڈ فضلِ میراں چوہان ہیں۔

یاد رہے کہ عمر اکمل پر الزام ہے کہ انہوں نے فکسنگ کی پیشکش اور رابطوں کے بارے میں بورڈ کو آگاہ نہیں کیا تھا۔

عمر اکمل نے  اینٹی کرپشن ٹریبونل میں سماعت کے لیے درخواست نہیں کی تھی۔ عمر اکمل کو پی سی بی کے اینٹی کرپشن کوڈ کے آرٹیکل 4.4. 2 کی دو مرتبہ  خلاف  ورزی  پر نوٹس آف چارج جاری کیا گیا تھا ۔

پی سی بی ترجمان کا کہنا ہے کہ ‏جب  تک ڈسپلنری پینل کے چیئرمین  عوامی فیصلے کا  اعلان نہیں کر دیتے بورڈ اس معاملے پرمزید تبصرہ نہیں کرے گا۔‏

واضح رہے کہ  کسی بھی فرد کی جانب سے کرپشن کی پیشکش کے بارے میں پی سی بی ویجلنس اینڈ سیکورٹی ڈیپارٹمنٹ کو (بغیر کسی غیر ضروری تاخیر سے) آگاہ نہ کرنے پر  پی سی بی اینٹی کرپشن کوڈ  کے آرٹیکل2.4.4    کا اطلاق ہوتا ہے۔

عمر اکمل کیس کی سماعت 27 اپریل کو ہوگی

آرٹیکل 4.8.1 کے مطابق  ان حالات میں اینٹی کرپشن ٹربیونل میں سماعت کی ضرورت نہیں ہوگی بلکہ ڈسپلنری پینل کے چیئرمین نوٹس آف چارج کا جائزہ لینے کے بعد ایک عوامی فیصلہ جاری کریں گے جس میں جرم کی توثیق کی جائے گی۔

اس فیصلے کو جاری کرنے سے قبل چیئرمین ڈسپلنری پینل قومی کرکٹ فیڈریشن، متعلقہ فریق، پی سی بی کے ویجلنس اینڈ سیکورٹی ڈیپارٹمنٹ اور آئی سی سی کو تحریری نوٹس جاری کریں گے۔

آرٹیکل 6.2 کے تحت آرٹیکل 2.4.4 کی خلاف ورزی کا جرم ثابت ہونے پر  6 ماہ سے تاحیات پابندی  لگائی جاسکتی ہے۔

پی سی بی کی جانب سے17 مارچ2020 کو عمر اکمل کو نوٹس آف چارج جاری کیا گیا تھا۔عمر اکمل کو 20 فروری 2020 کو عبوری طور پر معطل کیا گیا تھا۔