وسیم اکرم فکسنگ الزامات سے اکتا گئے

سیدہ نادرہ مشتاق

07th May, 2020. 06:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وسیم اکرم فکسنگ الزامات سے اکتا گئے

سابق کپتان وسیم اکرم اپنے اوپر لگائے جانے والے فکسنگ الزامات سے اکتاگئے۔

ایک نجی ویب سائٹ کو انٹرویو دیتے ہوئے پاکستان کے سابق فاسٹ بولر وسیم اکرم کا کہنا تھا کہ وہ اپنے اوپر لگائے جانے والے فکسنگ الزامات سے اکتا گئے ہیں۔

وسیم اکرم کاکہنا تھا کہ الزام لگانے والوں کے لیے ان کے پاس کوئی وقت نہیں ہے۔

انہوں نے کہا کہ جب بھی میں اپنے بارے میں اس طرح کی منفی چیزیں سنتا ہوں توکافی افسوس ہوتا ہے۔مجھے کرکٹ سے ریٹائر ہوئے 17 برس ہوچکے مگر کچھ لوگ بدستور اپنے مفادات کے لیے میرا نام اچھال رہے ہیں۔

وسیم اکرم نے مزید کہا کہ میں ہمیشہ ہی ایسے لوگوں کو نظر انداز کرتا ہوں اور آگے بھی ایسا ہی کرتا رہوں گا۔ ایک چپ سو کو ہراتی ہے۔

واضح رہے کہ حال ہی میں مختلف کرکٹرز کی جانب سے وسیم اکرم پر میچ فکسنگ کے الزامات عائد کیے گئےتھے۔

سابق فاسٹ بالر عطاالرحمان نے انہیں اپنا کیریئر تباہ کرنے کا ذمہ دار قرار دیا جبکہ عامر سہیل نے تو اور بھی سنگین نوعیت کے الزامات عائد کیے تھے۔