آئی سی سی میگا ایونٹس کے فائنل میں بھارت کو دو مرتبہ بد ترین شکست دینے والے سابق کپتان سرفراز   33 برس کے ہوگئے۔

عالمی ٹی ٹوئنٹی  رینکنگ میں تقریباً دو سال تک پاکستان  ٹیم کو نمبر ون پوزیشن پر رکھنے والے سرفراز احمد کا تعلق کراچی کے ایک متوسط گھرانے سے ہے۔

سرفراز احمد نے  ون ڈے ڈیبیو 2007 میں بھارت کے خلاف کیا تھا جبکہ ٹیسٹ ڈیبیو 2010 میں آسٹریلیا کے خلاف کیا تھا۔ تاہم وہ ٹیم کا مسلسل حصہ 2015 کے ورلڈ کپ میں شاندار کارکردگی دکھانے کے بعد بنے۔

2015 ورلڈ کپ میں جنوبی افریقہ کے خلاف 6 کیچز پکڑ کر انہوں نے نہ صرف ایڈم گلکرسٹ کا ایک میچ میں سب سے زیادہ کیچز پکڑنے کا ریکارڈ برابر کیا بلکہ برق رفتار 49 رنز بناکر ٹیم کی جیت میں اہم کردار ادا کیا۔

2019 ورلڈکپ کے پاکستان کی قیادت کرنے  والے  سرفراز احمد وہ واحد پاکستانی کپتان ہیں  جنہوں نے آئی سی سی کے میگا ایونٹس میں بھارت کو دو مرتبہ شکست سے دوچار کیا ہے۔

2006 انڈر 19 ورلڈ کپ میں سرفراز احمد کی قیادت میں پاکستان ٹیم نے 110 رنز کے مختصر ہدف کا کامیابی سے دفاع کرکے ٹائٹل اپنے نام کیا تھا۔

سرفراز احمد ہی کی قیادت میں 2017 میں پاکستان ٹیم نے چیمپئنز ٹرافی کے فائنل میں بھارت کو 180 رنز سے شکست دے کر ٹائٹل اپنے نام کیا۔یہ  آئی سی سی کے کسی بھی میگا ایونٹ  کے فائنل میں  اب تک کی سب سے بڑی فتح ہے۔

سرفراز احمد پاکستان کی جانب سے لارڈز کرکٹ گراؤنڈ میں ون ڈے سنچری اسکور کرنے والے پہلے کھلاڑی ہیں۔انہوں نے 2016 میں انگلینڈ کے خلاف سنچری اسکور کی تھی۔ان سے قبل کوئی پاکستانی یہ کارنامہ انجام نہیں دے سکا تھا۔

👏 Scorer of @TheRealPCB's first ODI hundred at Lord's.

🎂 Happy Birthday to @SarfarazA_54.#LoveLords

Advertisement

— Lord's Cricket Ground (@HomeOfCricket) May 22, 2020

سرفراز احمد کی حالیہ چند میچز کی کارکردگی کو جواز بناکر انہیں نہ صرف کپتانی سے ہٹا دیا گیا ہے بلکہ  سینٹرل کنٹریکٹ میں بھی  تنزلی کردی گئی ہے تاہم وہ  مایوس نہیں  ہیں اور ٹیم کے لیے بہتر کارکردگی دکھا نے کا عزم رکھتے ہیں۔

U19 @cricketworldcup 🏆 ✅ @ICC #CT17 🏆 ✅ @thePSLt20 🏆 ✅

Happy Birthday to the champion wicketkeeper-batsman @SarfarazA_54! pic.twitter.com/su2ggsTV5M

Advertisement

— Pakistan Cricket (@TheRealPCB) May 22, 2020

سرفراز احمد کے یوم پیدائش پر آئی سی سی ، پی سی بی اور لارڈز کرکٹ گراؤنڈ سمیت دوستوں اور مداحوں کی جانب سے انہیں نیک تمنائیں اور خراج عقیدت   پیش کیا جارہا ہے ۔

Happy birthday, @SarfarazA_54 🎂

He led Pakistan to the 2017 Champions Trophy title 🏆

Advertisement

WATCH his 🤩 knock against 🇱🇰 in the tournament that helped 🇵🇰 through to the semi-final 👇 pic.twitter.com/UEh1UZ2oOY

— ICC (@ICC) May 22, 2020