معروف ریسلر انڈر ٹیکر کا ریٹائرمنٹ کا اعلان

سیدہ نادرہ مشتاق

23rd Jun, 2020. 04:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معروف ریسلر انڈر ٹیکر کا ریٹائرمنٹ کا اعلان

معروف میڈیا کمپنی ڈبلیوڈبلیو ای کے اسٹار انڈرٹیکر نے ریٹائرمنٹ کا اعلان کردیا۔

تفصیلات کے مطابق مارک ولیم کالوے المعروف انڈر ٹیکر کا کہنا ہے کہ ان کے پاس رنگ میں کچھ کر دکھانے کے لیے اب کچھ نہیں بچا ہے۔وہ ہر چیمپئن شپ اور ایونٹ کو ممکنہ طور پر جیتنے میں کامیاب رہے ہیں۔

انڈر ٹیکر کا کہنا ہے کہ نئے لڑکوں کے سامنے آنے کا وقت آگیا ہے لہذا ان کو موقع ملنا چاہیئے۔

55 سالہ انڈر ٹیکر نے یہ اعلان اپنی دستاویزی فلم’ دی لاسٹ رائیڈ ‘کی آخری قسط میں کیا۔

انڈرٹیکر 1990 میں ڈبلیو ڈبلیو ایف میں قدم رکھنے کے بعد برسوں رنگ میں رہے ہیں اور اس دوران وہ تقریباً ہر چیمپئن شپ اور ایونٹ جیت چکے ہیں۔

ڈبلیو ڈبلیو ای کے مقبول ایونٹ ریسل مینیا میں ناقابل یقین حد تک فاتح رہنے اور جیتنے کا سلسلہ 2017 میں اس وقت ختم ہوا جب انہیں رومن رینز نے شکست دی۔

اس سے قبل کوئی بھی انڈر ٹیکر کو ریسل مینیا میں شکست نہیں دے سکا تھا۔