پاکستان کے نامور کرکٹر اور پروفیسر کے نام سے مشہور محمد حفیظ نے پاکستان کے نمبر 1 نیوز چینل بول نیوز کے پروگرام Googly With Mushi میں گفتگو کرتے ہوئے بتایا کہ انہوں نے کرکٹر بننے کیلئے کتنی محنت کی تھی۔

محمد حفیظ کا سفر چندا سے شروع ہوا اور کرکٹر حفیظ تک جاپہنچا ہے، جس کا آغاز سرگودھا سے ہوا اور لاہور تک گیا، اسی سفر کو جاری رکھتے ہوئے محمد حفیظ نے اپنا نام دنیا کے نامور کرکٹرز میں شامل کروالیا ہے۔

انہوں نے انٹرویو میں بتایا کہ وہ ایک غریب گھرانے سے تعلق رکھتے تھے جہاں ان کومیچ پریکٹس کرنے کے لئے بھی سہولت میسر نہیں ہوتی تھی۔

ان کا یہ کہنا تھا کہ 19  سال کی عمر میں پہلی بار کلب کرکٹ میں شرکت کی اور وہ ان کی زندگی کا پہلا میچ تھا جبکہ اس سے پہلے انہوں نے صرف گلی محلوں میں ہی کرکٹ کھیلا تھا۔

کرکٹر محمد حفیظ نے بتایا کہ اپنے کرکٹ کے شوق کے لئے انہوں نے اپنی پڑھائی کی قربانی دی تھی اور اس فیصلے پر اٹل ہوگئے تھے کہ وہ دنیا کے ٹاپ کرکٹرز میں شامل ہونگے۔

انہوں نے مزید بتایا کہ 1999 سے 2003 تک صرف پاکستان کے لئے میچز کھیلے جس سے ان کو بے شمار عزت اور کامیابی حاصل ہوئی ۔

محمد حفیظ نے اپنے کریئر کے گزشتہ 10 سالوں میں (2010 – 2019) تک 19 سنچریاں بنائی، تقریباً 50 کی تعداد میں ان کی ہالف سنچریاں ہیں اور انہوں نے 28  مین آف ڈی میچ بھی حاصل کئے ہیں۔