تفصیلات کے مطابق  سنٹرل پنجاب فرسٹ الیون  کے آل راؤنڈر فہیم اشرف فٹنس مسائل کے باعث ٹورنامنٹ سے باہر ہوگئے۔ان کی جگہ علی شان  کو ٹیم میں شامل کیا گیا ہے۔

ٹیم ناردرن نے عماد وسیم کے متبادل کے طور پر محمد اسماعیل کو شامل کر لیا ہے جبکہ  سندھ فرسٹ الیون کے انجری  کےشکار کھلاڑی رومان رئیس کے متبادل غلام مدثر ہوں گے ۔

سندھ فرسٹ الیون میں شامل ہونے والے غلام مدثر کی جگہ تابش خان کا انتخاب کیا گیا ہے۔

بلوچستان سیکنڈ الیون میں سمیع اسلم کی جگہ عظیم گھمن  کو شامل کیا گیا ہے۔

احسن بیگ کو سدرن پنجاب میں محمد عرفان کے متبادل کے طور پر شامل کر لیا گیا ہے۔

واضح رہے کہ نیشنل ٹی ٹوئنٹی کپ کا پہلا مرحلہ کل سے ملتان میں شروع ہو گا۔

30 ستمبر بروز بدھ سے ملتان کرکٹ اسٹیڈیم میں شروع ہونے والے نیشنل ٹی ٹوئنٹی کپ فرسٹ الیون ٹورنامنٹ میں پاکستان کے بہترین کھلاڑی شرکت کررہے ہیں۔

33 میچوں پر مشتمل یہ ٹورنامنٹ پی ٹی وی اسپورٹس پر براہ راست نشر ہوگا۔

خیبرپختونخوا کے  خلاف ایونٹ کاافتتاحی میچ کھیلنے والی ناردرن کی ٹیم ٹورنامنٹ میں اپنے ٹائٹل کا دفاع کرے گی۔ ایونٹ میں ہر روز 2 میچز کھیلے جائیں گے۔ پہلا میچ سہ پہر 3 اور دوسرا شام ساڑھے 7 بجے  شروع ہوگا۔

ایونٹ میں شریک تمام ٹیموں کے کپتانوں نے ٹرافی تھامنے کے عزم کا اظہار کیا ہے۔