بلوچستان کرکٹ ٹیم کے ہیڈ کوچ فیصل اقبال کورونا وائرس پروٹوکول کی خلاف ورزی کرنے والوں میں شامل ہیں۔

تفصیلات کے مطابق  پاکستان کرکٹ بورڈ (پی سی بی) نے ڈومیسٹک کرکٹ فرسٹ الیون ٹیموں کی دوسری کورونا وائرس ٹیسٹنگ کی رپورٹ جاری کردی۔

پی سی بی  کی جاری کردہ رپورٹ کے مطابق بلوچستان کے ہیڈ کوچ فیصل اقبال اور اسسٹنٹ کوچ وسیم حیدر نے کورونا وائرس پروٹوکول کی خلاف ورزی کی ہے۔  خلاف ورزی کے  باعث دونوں کوچز کو مزید 5 روز سیلف آئسولیشن میں گزارنے ہوں گے۔

پی سی بی کا کہنا ہے کہ  دونوں کوچز اس دوران 2 کورونا وائرس ٹیسٹ کی فیس بھی خود ادا کر یں گے۔

Advertisement

Update on second Covid-19 tests of First XI teamshttps://www.bolnews.com/urdu/sports/2020/09/482884/amp/ pic.twitter.com/IpC0ckiKz4

— PCB Media (@TheRealPCBMedia) September 19, 2020

پی سی بی کا کہنا ہے کہ  چھ ٹیموں کے 102 کھلاڑیوں اور سپورٹ اسٹاف کا مسلسل دوسرا ٹیسٹ بھی منفی آیا ہے۔  ٹیمیں آج سے ملتان کے بائیو سیکیور ببل میں چلی جائیں گی۔

بائیو سیکیور ببل میں ان کھلاڑیوں اور سپورٹ اسٹاف کو ملنے جلنے کی آزادی ہوگی۔تمام اسکواڈز کل سے اپنی ٹریننگ اور نیٹ پریکٹس کا آغاز کردیں گے۔یہ اسکواڈز ملتان کرکٹ اسٹیڈیم اور ملتان ہائی پرفارمنس سنٹر میں ٹریننگ کریں گے۔

پی سی بی کا کہنا ہے کہ   کامران اکمل کا پہلا ٹیسٹ منفی آگیا تھا، انہوں نے تاخیر سے ببل میں جانے کی درخواست کی ہے۔ کامران اکمل 24 ستمبر کو کیمپ جوائن کریں گے، ان کا دوسرا ٹیسٹ 23 ستمبر کو ہوگا۔