پاکستان کرکٹ ٹیم دورہ انگلینڈ مکمل کرنے کے بعد وطن واپس پہنچ گئی ہے۔
تفصیلات کے مطابق پاکستان کرکٹ ٹیم دس ہفتوں پر مشتمل دورہ انگلینڈ مکمل کرکے وطن واپس پہنچ گئی ہے، قومی کرکٹ ٹیم بذریعہ چارٹر فلائٹ لاہور پہنچی ہے۔
قومی اسکواڈ میں بابر اعظم، عماد وسیم، شاہین شاہ آفریدی کاؤنٹی کنٹریکٹ کی وجہ سے اسکواڈ کے ہمراہ نہیں آئے ہیں جبکہ آل راؤنڈر شعیب ملک بھی ذاتی حیثیت سے انگلینڈ میں ہی قیام کریں گے اور بولنگ کوچ وقار یونس فیملی کے پاس آسٹریلیا جائیں گے۔
یاد رہے کہ انگلینڈ کرکٹ بورڈ کی جانب سے کورونا صورتحال کے باوجود برطانیہ آمد پر پاکستان ٹیم کا شکریہ ادا کیا گیا ہے جبکہ پی سی بی کے چیف ایگزیکٹیو وسیم خان نے بھی مشکل اور غیر معمولی حالات میں انگلینڈ کا مکمل دورہ کرنے پر چوالیس رکنی قومی اسکواڈ کو مبارکباد دی اور کارکردگی کو بھی سراہا ہے۔
یاد رہے کہ گرین شرٹس نے انگلینڈ کے خلاف تین ٹیسٹ اور تین ٹی ٹوئنٹی میچز کھیلے گئے ہیں اس ضمن میں ہیڈکوچ مصباح الحق پیر کو پریس کانفرنس میں ٹیم کی کارکردگی پر اپنا موقف پیش کریں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
