کراچی پی ایس ایل مقابلوں کی میزبانی کیلئے تیار ہے، وزیر اعلیٰ سندھ
وزیر اعلیٰ سندھ مراد علی شاہ نے کہا ہے کراچی ایک مرتبہ پھر پی ایس ایل مقابلوں کی میزبانی کے لیے تیار ہے۔
تفصیلات کے مطابق وزیر اعلیٰ سندھ مراد علی شاہ نے پی ایس ایل فائیو کے باقی 4 میچز کو شایان شان منعقد کرانے کی یقین دہانی کرادی ہے۔
مراد علی شاہ نے کہا کہ سندھ حکومت نے پہلے بھی کراچی میں کرکٹ مقابلوں کے انعقاد میں بھر پور کردار ادا کیا ہے، اس بار بھی پی سی بی سے بھر پور تعاون کیا جائے گا۔
انہوں نے کہا کہ امید ہے کہ کوویڈ19 کی ایس او پیز پر عمل کیا جائے گا۔
وزیر اعلیٰ سندھ نے کہا کہ ہم انٹرنیشنل مقابلوں کی میزبانی کے لیے بھی تیار ہیں۔
واضح رہے کہ لاہور میں اسموگ کی بنا ءپرچاروں میچز کراچی منتقل کیے گئے ہیں۔ میچز 14 ،15 اور 17 نومبر کو نیشنل اسٹیڈیم میں کھیلے جائیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News